Mata Amritanandamayi: मंदिरांचे पावित्र्य जपावे: माता अमृतानंदमयी

थिरुवनंतपूरम : शबरीमला मंदिरात महिलांनी केलेला प्रवेश ही दु्र्दैवी घटना असून, समाजात बदल आवश्यक असले तरी मंदिरांचे पावित्र्य जपले गेले पाहिजे, असे माता अमृतानंदमयी यांनी रविवारी म्हटले आहे.

शबरीमला कर्म समितीने महिलांच्या प्रवेशाविरुद्ध आयोजित केलेल्या अय्यप्पा भक्त संगमम मध्ये त्या बोलत होत्या. त्या म्हणाल्या, 'समाजात बदल आवश्यक आहेत. पण तरीही परंपरा जपल्या गेल्या पाहिजेत. मंदिरे ही आपल्या संस्कृतीचे स्तंभ आहेत. त्यांचे संरक्षण करणे गरजेचे आहे.' या बैठकीला दोन लाखाहून अधिक भाविकांनी भाग घेतल्याचा दावा समितीने केला आहे.