कपडे फाटलेले, रक्ताचा एक थेंबही नाही; १४व्या मजल्यावरून पडून तरुणीचा मृत्यू, हत्येचा संशय

लखनऊ: उत्तर प्रदेशची राजधानी लखनऊमधील मेदांता रुग्णालयात काम करणाऱ्या परिचारिकेचा मृतदेह भागिरथी अपार्टमेंटच्या पार्किंगमध्ये आढळून आला. इमारतीच्या १४ व्या मजल्यावरून पडून या तरुणीचा मृत्यू झाल्याचं पोलिसांनी सांगितलं. मृत्यूमुखी पडलेल्या तरुणीचे कपडे फाटलेले होते. तिच्या कुटुंबीयांनी हत्येचा संशय व्यक्त केला आहे. आता पोलीस या प्रकरणाचा तपास करत आहेत.

लखनऊमधील भागिरथी अपार्टमेंटच्या पार्किंगमध्ये २१ वर्षीय तरुणीचा मृतदेह आढळल्याची माहिती पोलिसांना मिळाली. त्यानंतर पोलीस घटनास्थळी पोहोचले. पोलिसांनी मृतदेह ताब्यात घेऊन तो शवविच्छेदनासाठी पाठवला. तालकटोरामध्ये वास्तव्यास असलेल्या २१ वर्षांच्या परिचारिकेनं मेदांता रुग्णालयात २१ तारखेपासून प्रशिक्षण सुरू केलं होतं. गोमती नगरमधील हुसदिया चौकातील वसतिगृहात तरुणी वास्तव्यास आहेत. तरुणी वसतिगृहातूनच मेदांताला जात होती. मात्र मेडताजवळील भागिरथी अपार्टमेंटमधील पार्किंगमध्ये तिचा मृतदेह आढळून आला. मात्र तिच्या शरीरातून कोणत्याही प्रकारचा रक्तस्राव होत नव्हता. तिचे कपडे फाटलेले होते. तिच्या शरीरावर जखमांच्या खुणा नव्हत्या.
आलिशान कार घेतली, पण पेट्रोल परवडेना! श्रीमंत कुटुंबातील तरुणाची चोरी सीसीटीव्हीत कैद
२१ तारखेपासूनच तिनं मेदांता रुग्णालयात काम सुरू केलं होतं. मृतदेह अपार्टमेंटच्या बेसमेंटमध्ये आढळणं अतिशय संशयास्पद आहे. आम्हाला हत्येचा संशय असून या प्रकरणाची चौकशी करण्यात यावी, अशी मागणी कुटुंबियांनी केली. मृत तरुणीला पहिल्यांदाच पाहिल्याचं अपार्टमेंटचे अध्यक्ष गांधी यांनी सांगितलं. सीसीटीव्ही फुटेजमध्ये तरुणी अपार्टमेंटमध्ये एका महिलेसोबत येताना दिसत आहे. मात्र त्या महिलेनं तरुणीला ओळखण्यास नकार दिला.
बलात्काराच्या खोट्या आरोपात २० वर्षे तुरुंगात; सुटल्यावर लग्न केलं; दुसऱ्याच दिवशी आक्रित घडलं
सीसीटीव्ही फुटेजमध्ये तरुणी १४ व्या मजल्यावर दिसत आहे. तिच्या स्लीपर १४ व्या मजल्यावर आढळून आल्या. या प्रकरणाचा तपास सुरू असल्याचं एडीसीपी राजेश श्रीवास्तव यांनी सांगितलं. तरुणी अपार्टमेंटपर्यंत कशी पोहोचली, ती १४ व्या मजल्यावरून कशी पडली, याचा तपास पोलिसांकडून सुरू आहे.