भोपाळ:
मुलगा वर्णानं सावळा आहे, या न्यूनगंडानं पछाडलेल्या आईनं त्याला गोरा करण्यासाठी काळ्या दगडानं घासल्याची धक्कादायक घटना समोर आली आहे. त्यामुळं त्याच्या संपूर्ण शरीरावर जखमा झाल्या होत्या. त्याला होणाऱ्या वेदना मावशीच्या मुलीला सहन झाल्या नाहीत. तिनं 'चाइल्ड लाइन'ला फोन करून हा प्रकार सांगितला. संस्थेनं निशातपुरा पोलिसांच्या मदतीनं पीडित मुलाची सुटका केली.
सुधा तिवारी असं या निर्दयी मातेचं नाव आहे. निशातपुरा परिसरातील सरकारी शाळेत ती शिक्षिका आहे. तिनं दीड वर्षापूर्वी उत्तराखंडमधील मातृछायामधून मुलाला दत्तक घेतलं होतं. सुधाचा पती एका खासगी रुग्णालयात नोकरीला आहे. तक्रारकर्त्या शोभना शर्मानं सांगितलं की, 'मूल वर्णानं सावळा आहे, हे सुधाला भोपाळमध्ये आल्यापासून खटकत होतं. मुलगा गोरा व्हावा, यासाठी तिनं अनेक ठिकाणी उपचार केले. मुलाला गोरा करण्यासाठी त्याला काळ्या रंगाच्या दगडानं घासण्याचा सल्ला तिला कुणीतरी एका वर्षापूर्वी दिला होता. त्यानंतर सुधानं त्याला काळ्या दगडानं घासायला सुरुवात केली. त्यामुळं मुलाच्या खांद्यावर, पाठीवर आणि पायांवर जखमा झाल्या आहेत.'
चाइल्ड लाइननं पोलिसांच्या मदतीनं या मुलाची सुटका केली आहे. त्याला हमीदिया रुग्णालयात दाखल करण्यात आलं. प्राथमिक उपचारानंतर त्याला चाइल्ड लाइनमध्ये नेण्यात आलं आहे. 'दत्तक दिल्यानंतर मातृछायानं मुलाबाबत विचारपूस करायला हवी होती. मात्र, त्यांनी असं केलं नाही. मी सुधाला अनेकदा रोखण्याचा प्रयत्न केला. मात्र, तिनं मुलाला त्रास देणं थांबवलं नाही. त्यामुळं मी चाइल्ड लाइन आणि पोलिसांकडे गेले,'असं शोभनानं सांगितलं. मुलाची सुटका केली तेव्हा त्याच्या शरीरावर अनेक जखमा होत्या. त्याला तात्काळ रुग्णालयात दाखल करण्यात आलं, असं चाइल्ड लाइनच्या संचालक अर्चना सहाय्य यांनी सांगितलं. दरम्यान, आम्ही फोन करून मुलाची विचारपूस करत होतो, असं स्पष्टीकरण मातृछायाच्या सहाय्यक सचिव अमिता जैन यांनी दिलं.
मुलगा वर्णानं सावळा आहे, या न्यूनगंडानं पछाडलेल्या आईनं त्याला गोरा करण्यासाठी काळ्या दगडानं घासल्याची धक्कादायक घटना समोर आली आहे. त्यामुळं त्याच्या संपूर्ण शरीरावर जखमा झाल्या होत्या. त्याला होणाऱ्या वेदना मावशीच्या मुलीला सहन झाल्या नाहीत. तिनं 'चाइल्ड लाइन'ला फोन करून हा प्रकार सांगितला. संस्थेनं निशातपुरा पोलिसांच्या मदतीनं पीडित मुलाची सुटका केली.
सुधा तिवारी असं या निर्दयी मातेचं नाव आहे. निशातपुरा परिसरातील सरकारी शाळेत ती शिक्षिका आहे. तिनं दीड वर्षापूर्वी उत्तराखंडमधील मातृछायामधून मुलाला दत्तक घेतलं होतं. सुधाचा पती एका खासगी रुग्णालयात नोकरीला आहे. तक्रारकर्त्या शोभना शर्मानं सांगितलं की, 'मूल वर्णानं सावळा आहे, हे सुधाला भोपाळमध्ये आल्यापासून खटकत होतं. मुलगा गोरा व्हावा, यासाठी तिनं अनेक ठिकाणी उपचार केले. मुलाला गोरा करण्यासाठी त्याला काळ्या रंगाच्या दगडानं घासण्याचा सल्ला तिला कुणीतरी एका वर्षापूर्वी दिला होता. त्यानंतर सुधानं त्याला काळ्या दगडानं घासायला सुरुवात केली. त्यामुळं मुलाच्या खांद्यावर, पाठीवर आणि पायांवर जखमा झाल्या आहेत.'
चाइल्ड लाइननं पोलिसांच्या मदतीनं या मुलाची सुटका केली आहे. त्याला हमीदिया रुग्णालयात दाखल करण्यात आलं. प्राथमिक उपचारानंतर त्याला चाइल्ड लाइनमध्ये नेण्यात आलं आहे. 'दत्तक दिल्यानंतर मातृछायानं मुलाबाबत विचारपूस करायला हवी होती. मात्र, त्यांनी असं केलं नाही. मी सुधाला अनेकदा रोखण्याचा प्रयत्न केला. मात्र, तिनं मुलाला त्रास देणं थांबवलं नाही. त्यामुळं मी चाइल्ड लाइन आणि पोलिसांकडे गेले,'असं शोभनानं सांगितलं. मुलाची सुटका केली तेव्हा त्याच्या शरीरावर अनेक जखमा होत्या. त्याला तात्काळ रुग्णालयात दाखल करण्यात आलं, असं चाइल्ड लाइनच्या संचालक अर्चना सहाय्य यांनी सांगितलं. दरम्यान, आम्ही फोन करून मुलाची विचारपूस करत होतो, असं स्पष्टीकरण मातृछायाच्या सहाय्यक सचिव अमिता जैन यांनी दिलं.