narayan rane : शिवसेनेला शह; नारायण राणेंच्या नेतृत्वात भाजपची जनआशीर्वाद यात्रा

नवी दिल्लीः केंद्रीय मंत्री आणि भाजप नेते नितीन गडकरी ( nitin gadkari ) यांच्या दिल्लीतील निवासस्थानी महाराष्ट्रातील भाजपच्या प्रमुख नेत्यांची बैठक नुकतीच संपली आहे. या बैठकीत विरोधी पक्षनेते देवेंद्र फडणवीस ( devendra fadanavis ), प्रवणी दरेकर आणि भाजप प्रदेशाध्यक्ष चंद्रकांत पाटील उपस्थित होते. राज्यातील राजकीय स्थितीवर नेत्यांमध्ये सविस्तर चर्चा झाल्याचं मीडिया रिपोर्ट्समधून सांगण्यात येत आहे.

केंद्रीय मंत्री उद्योगमंत्री (MSME) नारायण राणे यांच्या ( narayan rane ) नेतृत्वात जनआशीर्वाद यात्रा भाजप काढणार आहे. १६ ऑगस्टपासून ही जनआशीर्वाद यात्रा सुरू होणार आहे. मुंबई ते कोकण अशी ही जनआशीर्वाद यात्रा असणार आहे. या यात्रेत देवेंद्र फडणवीस, प्रवीण दरेकरही सहभागी होणार आहेत. मुंबई महापालिका निवडणूक डोळ्यासमोर ठेवून ही यात्रा काढण्यात येणार आहे, असं मीडिया रिपोर्ट्समधून सांगण्यात येत आहे. यामागचा हेतू हा मुंबई आणि कोकणात शिवसेनेला लक्ष्य करण्याचा आहे, असं बोललं जातंय.

नारायण राणे हे गेल्याच महिन्यात केंद्रीय मंत्री झाले आहे. त्यांच्याकडे सुक्ष्म, लघू आणि मध्यम (MSME) हे मंत्रालय देण्यात आलं आहे. केंद्रीय मंत्री झाल्यानंतर नारायण राणे हे पहिल्यांदाच महाराष्ट्रात येत आहेत. यामुळे जनआशीर्वाद यात्रेतून नारायण राणे आणि भाजपकडून महाराष्ट्रात शक्तिप्रदर्शन केले जाईल, अशी शक्यता आहे.

devendra fadnavis : 'मराठा आरक्षणावरून महाविकास आघाडी सरकार झोपेचं सोंग घेतंय'

दरम्यान, भाजप नेत्यांची दिल्लीतील बैठक संपली आहे. अद्याप याबाबत अधिकृत घोषणा झालेली नाही. या बैठकीपूर्वी देवेंद्र फडणवीस यांनी आज दिल्लीत केंद्रीय गृहमंत्री आणि भाजपचे माजी अध्यक्ष अमित शहा यांची भेट घेतली. संसद भवानात त्यांची बैठक झाली. याबैठकीनंतर फडणवीस यांनी मराठा आरक्षणावरून महाराष्ट्रातील महाविकास आघाडी सरकारवर हल्लाबोल केला.

maratha reservation : मराठा आरक्षणासंबंधी विधेयक केंद्रीय मंत्र्यांनी लोकसभेत मांडलं, उद्या होणार चर्चा