महात्मा गांधी पाकचे राष्ट्रपिता; भाजप प्रवक्ता निलंबित

भोपाळः

महात्मा गांधी यांना पाकिस्तानचे राष्ट्रपिता म्हटल्यासंदर्भात मध्य प्रदेशमधील भारतीय जनता पक्षाचे प्रवक्ते अनिल सौमित्र यांचे पक्षातून निलंबन करण्यात आले आहे. राष्ट्रपिता महात्मा गांधी आणि त्यांची हत्या करणाऱ्या नथुराम गोडसे यांच्याबद्दल काही दिवसांपासून भाजप नेत्यांकडून अनेक विधानं केली जात आहेत.

महात्मा गांधी राष्ट्रपिता होते. मात्र, ते पाकिस्तानचे राष्ट्रपिता होते. भारतात त्यांच्यासारखे अनेकजण आहेत. काही लायक आहेत, तर काही नालायक आहेत, असे ट्विट अनिल सौमित्र यांनी केले होते. यानंतर पक्षाने तातडीने करत सौमित्र यांचे पक्षातून निलंबन केले. सौमित्र भारतीय जनता पक्षाचे मध्य प्रदेशमधील प्रवक्ते तसेच मीडिया सेलचे प्रमुख म्हणून कार्यरत होते.

महात्मा गांधी यांची हत्या करणारे नथुराम गोडसे यांच्यासंदर्भात अनेक भाजप नेत्यांनी विविध विधाने केल्यानंतर त्या सर्वांवर कारवाई करण्यात येईल. त्यांची विधाने शिस्तपालन समितीकडे देण्यात आली आहेत, अशी माहिती भाजप अध्यक्ष अमित शहा यांनी दिली.