लग्नासाठी मुस्लिम बनलेल्या तरुणाची 'घरवापसी'

शरद मलिक, शामली (उत्तर प्रदेश) :

लग्नासाठी मुस्लिम धर्म स्वीकारणाऱ्या दलित तरुणाने पुन्हा एकदा हिंदू धर्म स्वीकारला आहे. बजरंग दल आणि अन्य हिंदू संघटनांच्या प्रतिनिधींनी या तरुणाच्या घरी जाऊन त्याचं मन वळवलं. त्यानंतर हिंदू धर्मात 'घरवापसी' करण्यास तो तयार झाला.

पवन असे या तरुणाचे नाव असून शामली जिल्ह्यातील सदर पोलीस ठाण्याच्या हद्दीत तो राहतो. मुस्लिम धर्मातील मुलीशी लग्न करण्यासाठी मौलवीच्या सांगण्यावरून पवनने मुस्लिम धर्म स्वीकारला होता. मुझफ्फरनगर कोर्टात याची नोंदणीही करण्यात आली होती. दलित तरुणाचं अशाप्रकारे धर्मांतर करण्यात आल्यानंतर हिंदू संघटनांनी त्याविरोधात आवाज उठवला होता. बजरंग दल आणि हिंदू संघटनांनी पवनच्या घरी जाऊन पुन्हा हिंदू धर्म स्वीकारण्याची विनंती केली. सुरुवातीला त्याने ही विनंती नाकारली. मात्र, त्याला अनेक दाखले देत त्याचे मन वळवण्यात हिंदू संघटनांना यश आले. हा तरुण पुन्हा हिंदू धर्म स्वीकारण्यास तयार झाला आणि मग दाढी काढून तसेच टिळा लावून त्याने हिंदू धर्म स्वीकारला.

पवन म्हणाला, 'मी आधी हिंदू होतो. मात्र, लग्नाच्या मोहापायी मी मुस्लिम धर्म स्वीकारला. आता स्वखुशीने मी हिंदू धर्मात परतलो आहे.'

बजरंग दलाचा जिल्हा सहसंयोजक मंत्री सन्नी शर्मा याने या निर्णयाचे स्वागत केले. हिंदू धर्मातील तरुणांचं अशाप्रकारे धर्म परिवर्तन केलं जात असेल तर त्याविरोधात आम्ही आवाज उठवत राहू, असे शर्मा म्हणाला.