तो बोनेट उघडून दुरुस्ती करत होता, कार अचानक सुरू झाली; अंगावर चढली, पाहा VIDEO

अपघात, दुर्घटना कधीही घडतात. वाईट वेळ काही सांगून येत नाही. त्यामुळे आपण कायम सतर्क राहायला हवं. प्रत्येक घटनेतून आपल्याला काहीतरी शिकायला मिळतं. मात्र काही घटना जीवघेण्या ठरतात. कार अपघाताच्या घटना सध्या चर्चेचा विषय ठरत असताना आता एक व्हिडीओ सोशल मीडियावर व्हायरल झाला आहे.

व्हायरल व्हिडीओमध्ये एक व्यक्ती कार दुरुस्त करताना दिसत आहे. दीपक प्रभू यांनी हा व्हिडीओ ट्विट केला आहे. ऑटोमॅटिक वाहनं नादुरुस्त असल्यास कधीच त्याच्या समोर उभे राहू नका, असं आवाहन प्रभू यांनी केलं आहे. तुमच्या मित्रांना आणि नातेवाईकांना सतर्क करा, असंही त्यांनी ट्विटमध्ये म्हटलं आहे. व्हिडीओमध्ये दिसणारी कार ऑटोमॅटिक असल्यानं ती आपोआप पुढे गेल्याचा दावा करण्यात आला आहे.

व्हिडीओमध्ये नेमकं काय?
व्हिडीओमध्ये कार शेडच्या खाली उभी असलेली दिसते. तिथे एक महिला लहान मुलाला कुशीत घेऊन खेळवत आहे. आणखी दोन जण तिथे आहेत. त्यातील एक जण कारची दुरुस्ती करत आहे. कारचं बोनेट उघडून तो पाहणी करतो. पाहणी करत असताना अचानक कार सुरू होते आणि ती बोनेटसमोरील व्यक्तीच्या अंगावर जाते.
सोन्याचे कानातले खेचून निघाले नाहीत, चोरट्यांचे कटरनं वार; भाजप आमदाराच्या आईचे कान कापले
बोनेटसमोर असणारी व्यक्ती स्वत:ला वाचवण्यासाठी धडपड करते. मात्र कार थेट त्याच्या अंगावर जाते. कार बोनेटला धडकते आणि व्यक्ती कार आणि बोनेटच्या मध्ये अडकते. त्या व्यक्तीला बाहेर काढण्यात येतं. ती व्यक्ती जिवंत आहे की या दुर्घटनेत तिचा मृत्यू झाला हे समजू शकलेलं नाही. मात्र लोकांचा आक्रोश स्पष्टपणे ऐकू येत आहे.
माता न तू वैरिणी! दीड महिन्यांच्या लेकीचा आईनं गळा दाबला; डॉक्टरांनी CCTV पाहिले अन् मग...
आतापर्यंत हा व्हिडीओ २ लाखांहून अधिक जणांनी पाहिला आहे. अनेकांनी त्यावर प्रतिक्रिया दिली आहे. कार न्यूट्रलवर नव्हती. संबंधित व्यक्तीनं कार स्वत: दुरुस्त करण्याऐवजी मॅकेनिकला बोलवायला हवं होतं, अशा स्वरुपाच्या प्रतिक्रिया काहींनी दिल्या आहेत. तर काहींनी ऑटोमॅटिकपेक्षा मॅन्युअल कार बऱ्या असं मत व्यक्त केलं आहे.