जम्मू:
जम्मू-काश्मीरचे माजी मुख्यमंत्री आणि नॅशनल कॉन्फरन्सचे नेते फारूख अब्दुल्ला यांच्या घराच्या परिसरात आज सुरक्षाव्यवस्था भेदून भरधाव कार घुसली. त्यानंतर सुरक्षारक्षकांनी कारचालक तरुणावर गोळ्या झाडल्या. यात त्याचा मृत्यू झाला. 'संबंधित तरुण अब्दुल्लांच्या घरात घुसण्याचा प्रयत्न करत होता. सुरक्षारक्षकांनी रोखल्यानंतरही तो थांबला नाही. त्यामुळं सुरक्षारक्षकांनी त्याच्यावर गोळ्या झाडल्या,' अशी माहिती पोलिसांनी दिली. तरुणाचे कुटुंबीय जाब विचारण्यासाठी अब्दुल्लांच्या निवासस्थानी पोहोचले. त्यांनी सुरक्षारक्षकांच्या कारवाईवर संशय व्यक्त केला.
मुराद अली शाह असं या मृत तरुणाचं नाव आहे. तो पुंछमधील मेंढर येथील रहिवासी होता. या घटनेनंतर मुरादच्या कुटुंबीयांनी सुरक्षारक्षकांच्या कारवाईवर संशय व्यक्त केला. 'माझा मुलगा काल रात्री माझ्योसोबत होता. तो दररोज जीममध्ये जात होता. आजही तो जीममध्ये जाण्यासाठी घराबाहेर पडला होता. त्याने प्रवेशद्वार तोडण्याचा प्रयत्न केला त्यावेळी तेथील सुरक्षारक्षक कुठे होते? त्यांनी त्याला अटक का केली नाही? माझ्या मुलाला का मारलं?' असे अनेक प्रश्न त्याच्या वडिलांनी उपस्थित केले.
दुसरीकडे, घटनेनंतर अब्दुल्लांच्या निवासस्थानाच्या परिसराला सुरक्षारक्षकांनी घेराव घातला आहे. अब्दुल्ला यांच्या घराची सुरक्षा वाढवली आहे. पोलीस आणि सीआरपीएफच्या जवानांनी परिसरात शोध मोहीम सुरू केली आहे. पोलीसही या घटनेचा तपास करत आहेत. आजूबाजूला राहणाऱ्या व्यक्तींची चौकशी करण्यात येत आहे. फारुख अब्दुल्ला यांचे पुत्र ओमर अब्दुल्ला यांनी ट्विटद्वारेही या घटनेची माहिती दिली. 'घरात एक व्यक्ती घुसण्याचा प्रयत्न करत होता. समोरच्या प्रवेशद्वारातून ती व्यक्ती घरात घुसली होती आणि लॉबीपर्यंत पोहचली होती. सुरक्षारक्षकांनी त्याला ठार केलं आहे,' असं ओमर यांनी ट्विटमध्ये म्हटलंय. 'तरुणानं मुख्य प्रवेशद्वारातून घरात घुसण्याचा प्रयत्न केला. त्याचवेळी तेथे तैनात असलेल्या सुरक्षारक्षकांसोबत हाणामारी झाली. त्यात सुरक्षारक्षकही जखमी झाला आहे. त्यानंतर सुरक्षारक्षकांनी गोळी झाडून त्याला ठार केलं,' अशी माहिती जम्मूचे एसएसपी विवेक गुप्ता यांनी दिली.
जम्मू-काश्मीरचे माजी मुख्यमंत्री आणि नॅशनल कॉन्फरन्सचे नेते फारूख अब्दुल्ला यांच्या घराच्या परिसरात आज सुरक्षाव्यवस्था भेदून भरधाव कार घुसली. त्यानंतर सुरक्षारक्षकांनी कारचालक तरुणावर गोळ्या झाडल्या. यात त्याचा मृत्यू झाला. 'संबंधित तरुण अब्दुल्लांच्या घरात घुसण्याचा प्रयत्न करत होता. सुरक्षारक्षकांनी रोखल्यानंतरही तो थांबला नाही. त्यामुळं सुरक्षारक्षकांनी त्याच्यावर गोळ्या झाडल्या,' अशी माहिती पोलिसांनी दिली. तरुणाचे कुटुंबीय जाब विचारण्यासाठी अब्दुल्लांच्या निवासस्थानी पोहोचले. त्यांनी सुरक्षारक्षकांच्या कारवाईवर संशय व्यक्त केला.
मुराद अली शाह असं या मृत तरुणाचं नाव आहे. तो पुंछमधील मेंढर येथील रहिवासी होता. या घटनेनंतर मुरादच्या कुटुंबीयांनी सुरक्षारक्षकांच्या कारवाईवर संशय व्यक्त केला. 'माझा मुलगा काल रात्री माझ्योसोबत होता. तो दररोज जीममध्ये जात होता. आजही तो जीममध्ये जाण्यासाठी घराबाहेर पडला होता. त्याने प्रवेशद्वार तोडण्याचा प्रयत्न केला त्यावेळी तेथील सुरक्षारक्षक कुठे होते? त्यांनी त्याला अटक का केली नाही? माझ्या मुलाला का मारलं?' असे अनेक प्रश्न त्याच्या वडिलांनी उपस्थित केले.
दुसरीकडे, घटनेनंतर अब्दुल्लांच्या निवासस्थानाच्या परिसराला सुरक्षारक्षकांनी घेराव घातला आहे. अब्दुल्ला यांच्या घराची सुरक्षा वाढवली आहे. पोलीस आणि सीआरपीएफच्या जवानांनी परिसरात शोध मोहीम सुरू केली आहे. पोलीसही या घटनेचा तपास करत आहेत. आजूबाजूला राहणाऱ्या व्यक्तींची चौकशी करण्यात येत आहे. फारुख अब्दुल्ला यांचे पुत्र ओमर अब्दुल्ला यांनी ट्विटद्वारेही या घटनेची माहिती दिली. 'घरात एक व्यक्ती घुसण्याचा प्रयत्न करत होता. समोरच्या प्रवेशद्वारातून ती व्यक्ती घरात घुसली होती आणि लॉबीपर्यंत पोहचली होती. सुरक्षारक्षकांनी त्याला ठार केलं आहे,' असं ओमर यांनी ट्विटमध्ये म्हटलंय. 'तरुणानं मुख्य प्रवेशद्वारातून घरात घुसण्याचा प्रयत्न केला. त्याचवेळी तेथे तैनात असलेल्या सुरक्षारक्षकांसोबत हाणामारी झाली. त्यात सुरक्षारक्षकही जखमी झाला आहे. त्यानंतर सुरक्षारक्षकांनी गोळी झाडून त्याला ठार केलं,' अशी माहिती जम्मूचे एसएसपी विवेक गुप्ता यांनी दिली.