सोनं आणि हिऱ्यानं जडवलेलं घड्याळं; एकाची किंमत तब्बल २७ कोटी, विमानतळावर मोठी कारवाई

नवी दिल्लीः दिल्लीतील इंदिरा गांधी आंतरराष्ट्रीय विमानतळावर कस्टम अधिकाऱ्यांनी मोठी कारवाई केली आहे. अधिकाऱ्यांनी एका व्यक्तीकडून सात घड्याळं जप्त केली असून तब्बल २७ कोटी किमतीची ही घड्याळे आहेत. जेकब अँड कंपनीची ही सोन्याची घड्याळं आहेत. यातील एक घड्याळं हिऱ्याने जडवलेलं आहे. (Delhi Airport)

कस्टम विभागाच्या अधिकाऱ्यांनी दिलेल्या माहितीनुसार, विमान क्रमांक EK 516तून एक व्यक्ती दिल्लीत आला होता. त्यावेळी अधिकाऱ्यांना त्याच्यावर संशय आला. तेव्हा त्याची तपासणी करण्यात आली. यावेळी त्याच्याकडे सात किमती घड्याळं सापडली आहेत. या घड्याळ्यांमध्ये जेकब आणि कंपनीची देखील घड्याळं होती. ज्याला हिरे जडवलेले होते. या घड्याळ्याची किंमत २७ कोटी ०९ लाख ५१ हजार रुपये इतकी आहे.

वाचाः प्रवाशांसाठी मोठी बातमी! पुणे-अमरावती रेल्वे बंद; रेल्वेकडून नवीन वेळापत्रक लागू, जाणून घ्या

कस्टम विभागाने घड्याळं जप्त केली आहेत. तर, या आरोपीला अटक करण्यात आलं आहे. सूत्रांनुसार, ही घड्याळं दिल्लीत एका बड्या व्यक्तीला गिफ्ट देण्यासाठी मागवण्यात आली होती. यासाठी आरोपीची मिटिंग दिल्लीतील एका फाइव्ह स्टार हॉटेलमध्ये होणार होती. मात्र, त्यापूर्वीच कस्टम विभागाच्या अधिकाऱ्यांने त्याला अटक केली आहे. आरोपी ४ ऑक्टोबररोजी दूबईहून दिल्लीला आला होता.

वाचाः एक फोन आला आणि पुढच्या एका मिनिटात खात्यातून गायब झाले सहा लाख; त्या लिंकमुळं गमावली आयुष्यभराची कमाई

कस्टम विभागाच्या अधिकाऱ्यांनी या कारवाईबाबत आयबी, ईडी आणि एनआयएला दिली आहे. जेणेकरून या प्रकरणाचा योग्य रितीने तपास करता येईल. आरोपी हा गुजरात येथील रहिवासी आहे. तो त्याच्या काकांसोबत दिल्लीला आला होता. या व्यक्तीचे दुबई आणि संयुक्त अरब अमीरातमध्ये त्याचे शोरुम आहेत. तिथे अशाप्रकारचे महागडे घड्याळं विकले जातात. मात्र, भारतात त्यांचे कोणतेही दुकान नाही, अशी माहिती दिल्ली एअरपोर्ट कस्टम विभागाचे कमिश्नर जुबैर रियाज कामली यांनी दिली आहे.

वाचाः गुजरातच्या योजना महाराष्ट्रात हुबेहूब; शिंदे- फडणवीस सरकारने सुरू केली आणखी एक नवी योजना