संबलपूर:
पत्नीसोबत समेट घडवण्यासाठी कुटुंब न्यायालायात गेलेल्या एका इसमाने पत्नीचे तलवारीने तुकडे केल्याची धक्कादायक घटना ओडिशामध्ये घडलीय. या प्रकरणी आरोपी रमेश कुमारला पोलिसांनी ताब्यात घेतले असून त्याची तलवारही जप्त केलीय.
पत्नीवर हल्ला केल्यानंतर रमेशने सासूवर आणि अडीच वर्षाच्या भाचीवरही तलवारीने वार केले. या हल्ल्यात १८ वर्षांच्या संजिताचा उपचारांदरम्यान मृत्यू झालाय. संजिता आणि रमेश यांनी वर्षभरापूर्वी पळून जाऊन लग्न केले होते. परंतु, लग्नानंतर काही महिन्यांतच त्यांच्यात खट उडू लागले. दिवसेंदिवस परिस्थिती अधिकच चिघळत गेली. पतीच्या त्रासाला कंटाळलेली संजिता शेवटी आपल्या माहेरी परतली. पत्नीला पुन्हा घरी आणण्यासाठी रमेशने न्यायालयात याचिका दाखल केली होती. या याचिकेवरील सुनावणीसाठी संजिता आपल्या कुटुंबीयांसोबत कोर्टात शिरतानाच रमेशने तलवारीने तिच्यावर हल्ला केला. जीव वाचविण्यासाठी संजिता न्यायालयाच्या इमारतीत लपल्याचेही काही प्रत्यक्षदर्शींनी सांगितले. परंतु, रमेशने तिचा पाठलाग करून तिला शोधले आणि तिच्यावर पुन्हा वार केले.
दरम्यान, रमेशला पोलिसांच्या ताब्यात देण्याआधी न्यायालयाच्या आवारातील जमावाने त्याला चांगलाच चोप दिला. त्यानंतर पोलिसांनी रमेशला अटक केली.
पत्नीसोबत समेट घडवण्यासाठी कुटुंब न्यायालायात गेलेल्या एका इसमाने पत्नीचे तलवारीने तुकडे केल्याची धक्कादायक घटना ओडिशामध्ये घडलीय. या प्रकरणी आरोपी रमेश कुमारला पोलिसांनी ताब्यात घेतले असून त्याची तलवारही जप्त केलीय.
पत्नीवर हल्ला केल्यानंतर रमेशने सासूवर आणि अडीच वर्षाच्या भाचीवरही तलवारीने वार केले. या हल्ल्यात १८ वर्षांच्या संजिताचा उपचारांदरम्यान मृत्यू झालाय. संजिता आणि रमेश यांनी वर्षभरापूर्वी पळून जाऊन लग्न केले होते. परंतु, लग्नानंतर काही महिन्यांतच त्यांच्यात खट उडू लागले. दिवसेंदिवस परिस्थिती अधिकच चिघळत गेली. पतीच्या त्रासाला कंटाळलेली संजिता शेवटी आपल्या माहेरी परतली. पत्नीला पुन्हा घरी आणण्यासाठी रमेशने न्यायालयात याचिका दाखल केली होती. या याचिकेवरील सुनावणीसाठी संजिता आपल्या कुटुंबीयांसोबत कोर्टात शिरतानाच रमेशने तलवारीने तिच्यावर हल्ला केला. जीव वाचविण्यासाठी संजिता न्यायालयाच्या इमारतीत लपल्याचेही काही प्रत्यक्षदर्शींनी सांगितले. परंतु, रमेशने तिचा पाठलाग करून तिला शोधले आणि तिच्यावर पुन्हा वार केले.
दरम्यान, रमेशला पोलिसांच्या ताब्यात देण्याआधी न्यायालयाच्या आवारातील जमावाने त्याला चांगलाच चोप दिला. त्यानंतर पोलिसांनी रमेशला अटक केली.