वन टू का फोर! तरुणाने ११२ दिवस ५ स्टार हॉटेलमध्ये केली हवा, २४ लाखांचं बिल येताच ठोकली धूम

नवी दिल्ली : 'मी एका राजघरणातील कर्मचारी आहे', असं सांगत एका पठ्याने असा काही पराक्रम केला की वाचून तुम्हीही थक्क व्हाल. राजधानी दिल्लीतल्या लीला पॅलेस या ५ स्टार हॉटेलमध्ये या व्यक्तीने राहण्यासाठी एक वेगळाच फंडा अवलंबला. या व्यक्तीने एक दोन दिवस नाहीतर तब्बल ११२ दिवस हॉटेलमध्ये घालवले आणि २४ लाखांचं बिल न भरताच फरार झाला आता. दिल्ली पोलीस या व्यक्तीचा कसून शोध घेत आहेत.

पोलिसांनी दिलेल्या माहितीनुसार, मोहम्मद शरीफ असं आरोपीचं नाव आहे. त्याने हॉटेल कर्मचाऱ्यांना 'मी संयुक्त अरब अमिरातीचा (UAE) रहिवासी आहे आणि अबू धाबीच्या शाही परिवारासाठी काम करतो' असं सांगत हॉटेलमध्ये राहिला. या घटनेची माहिती मिळताच दिल्ली पोलिसांनी संबंधित व्यक्तीगृहात फसवणूक आणि चोरीचा गुन्हा दाखल केला आहे. शरीफ हा गेल्या वर्षी १ ऑगस्ट २०२० रोजी लालीला पॅलेस हॉटेलमध्ये थांबला आणि कोणालाही न सांगता निघून गेला.

दुर्दैवी! रात्रभर पिकाला पाणी दिलं पण पहाटे तरुणासोबत घडलं भयंकर, ऐन संक्रांतीला कुटुंबावर शोककळा
इतकंच नाही तर या व्यक्तीने हॉटेलच्या खोलीतून चांदीची भांडी आणि इतर वस्तू लंपास केल्याचीही माहिती आहे. हॉटेल व्यवस्थापनाच्या तक्रारीवरून शनिवारी शरीफ विरोधात गुन्हा दाखल करण्यात आला आहे. फिर्यादीने पोलिसांना दिलेल्या माहितीनुसार, शरीफ याने हॉटेलमध्ये अधिकाऱ्यांना सांगितलं की तो युएईमध्ये राहतो. तो एका राजघराण्याच्या सदस्यासाठी काम करोत. त्याने स्वतःचे बनावट बिजनेस कार्ड सिटिझन कार्ड आणि इतर कागदपत्र दाखवल्याचीही माहिती पोलिसांनी दिली.

पोलीस आता या कागदपत्रांची चौकशी करत असून आरोपी हॉटेलच्या रूम क्रमांक ४२७ मध्ये ९ महिने राहिला. त्यानंतर २३ लाख ४६ हजार ४१३ रुपयांचे बिल झालं. शरीफने खोटं बोलून हॉटेलमध्ये जागा मिळवली. इतकंच नाही तर विश्वास बसण्यासाठी तो हॉटेलमधील कर्मचाऱ्यांना तो आपल्या कामाबद्दल आणि जीवनाबद्दलही किस्से सांगायचा.