अ‍ॅपशहर

घर बांधण्याचा निधी, घरवालीच्या शोधात घालवला

लोकांच्या कल्याणासाठी सरकारकडून राबविल्या जाणाऱ्या योजनांचा लोक कसा गैरफायदा घेतील याचा काही नेम नाही. मध्यप्रदेशातील शिवपूर जिल्ह्यातील एका व्यक्तीने तर कमालच केली. या पठ्ठ्याने घर बांधण्यासाठी पंतप्रधान आवास योजनेतून निधी घेतला. पण त्यानं घर बांधण्यासाठी या निधीतला एक छदामही खर्च केला नाही. घर बांधायचं बाजुला ठेवून या पठ्ठ्याने घरवाली (लग्नासाठी बायको) शोधण्यासाठी हा निधी खर्च केल्याचं उघडकीस आलं आहे.

Maharashtra Times 13 Nov 2017, 9:33 am
मटा ऑनलाइन वृत्त । भोपाळ
महाराष्ट्र टाइम्स.कॉम man uses funds for ghar to get gharwali in mp
घर बांधण्याचा निधी, घरवालीच्या शोधात घालवला


लोकांच्या कल्याणासाठी सरकारकडून राबविल्या जाणाऱ्या योजनांचा लोक कसा गैरफायदा घेतील याचा काही नेम नाही. मध्यप्रदेशातील शिवपूर जिल्ह्यातील एका व्यक्तीने तर कमालच केली. या पठ्ठ्याने घर बांधण्यासाठी पंतप्रधान आवास योजनेतून निधी घेतला. पण त्यानं घर बांधण्यासाठी या निधीतला एक छदामही खर्च केला नाही. घर बांधायचं बाजुला ठेवून या पठ्ठ्याने घरवाली (लग्नासाठी बायको) शोधण्यासाठी हा निधी खर्च केल्याचं उघडकीस आलं आहे.

शंकर असं या व्यक्तीचं नाव आहे. त्याला पंतप्रधान आवास योजने अंतर्गत घर बांधण्यासाठीचा निधी मंजूर करण्यात आला. त्याचा पहिला हप्ता त्याच्या खात्यातही जमा करण्यात आला. मात्र पहिला हप्ता मिळताच शंकर गायब झाला. जेव्हा अधिकारी स्वच्छ शौचालय आणि आवास योजनांची पाहणी करण्यासाठी गावात आले तेव्हा त्यांना हा प्रकार लक्षात आला. हा प्रकार लक्षात आल्यानंतर या अधिकाऱ्यांनी थेट खिरखिरी पंचायत समितीचं कार्यालय गाठलं आणि याबाबतची अधिक चौकशी केली.

त्यानंतर या अधिकाऱ्यांनी शंकरशीही संपर्क साधला. तेव्हा 'मला घरासाठी बायकोची गरज आहे. लग्न झाल्यावरच माझ्या घराला घरपण येईल,' असं सांगत घराच्या हप्त्याची रक्कम लग्नासाठी स्थळं शोधण्याकरिता खर्च केल्याचंही त्याने या अधिकाऱ्यांना बिनदिक्कतपणे सांगितलं. त्यामुळे अधिकाऱ्यांनाही हसू आवरल्याशिवाय राहिलं नाही.

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज