नवी दिल्ली: बहुजन समाज पार्टीच्या प्रमुख मायावती आणि उत्तर प्रदेशचे मुख्यमंत्री योगी आदित्यनाथ यांच्यापाठोपाठ केंद्रीय निवडणूक आयोगाने सपा नेते आजम खान आणि भाजपच्या नेत्या मनेका गांधी यांच्यावरही निवडणूक प्रचारास बंदी घातली आहे. आजम खान यांच्यावर तीन दिवसाची तर मनेका गांधी यांच्यावर दोन दिवसाची प्रचार बंदी घालण्यात आली आहे. याकाळात या दोन्ही नेत्यांना कोणत्याही सभा, रॅली आणि रोड शोमध्ये सहभागी होता येणार नाही. त्यांना सोशल मीडियावरूनही प्रचार करता येणार नसल्याचं निवडणूक आयोगानं स्पष्ट केलं आहे.
धर्माच्या आधारे मतं मागणं आणि भावना भडकावणारं भाषण केल्याप्रकरणी निवडणूक आयोग संबंधित नेत्यांवर कारवाई का करत नाही? असा सवाल सर्वोच्च न्यायालयाने निवडणूक आयोगाला केला होता. त्यानंतर आयोगाने योगी आदित्यनाथ यांच्यावर तीन तर मायावती यांच्यावर दोन दिवसाची निवडणूक प्रचार बंदी घातली होती. आज रात्री उशिरा मनेका गांधी आणि आजम खान यांच्यावरही निवडणूक प्रचारास बंदी घालण्यात आली आहे. उद्या मंगळवारी सकाळी १० वाजल्यापासून या दोघांवरील निवडणूक प्रचार बंदी आदेश लागू होणार आहे.
मनेका गांधी यांनी मुस्लिम समाजाला मतं देण्यासाठी धमकावलं होतं, तर आज आजम खान यांनी भाजप उमेदवार आणि अभिनेत्री जयाप्रदा यांच्याविरोधात अश्लील वक्तव्य केलं होतं. त्याची गंभीर दखल घेत निवडणूक आयोगाने ही कारवाई केली आहे.
धर्माच्या आधारे मतं मागणं आणि भावना भडकावणारं भाषण केल्याप्रकरणी निवडणूक आयोग संबंधित नेत्यांवर कारवाई का करत नाही? असा सवाल सर्वोच्च न्यायालयाने निवडणूक आयोगाला केला होता. त्यानंतर आयोगाने योगी आदित्यनाथ यांच्यावर तीन तर मायावती यांच्यावर दोन दिवसाची निवडणूक प्रचार बंदी घातली होती. आज रात्री उशिरा मनेका गांधी आणि आजम खान यांच्यावरही निवडणूक प्रचारास बंदी घालण्यात आली आहे. उद्या मंगळवारी सकाळी १० वाजल्यापासून या दोघांवरील निवडणूक प्रचार बंदी आदेश लागू होणार आहे.
मनेका गांधी यांनी मुस्लिम समाजाला मतं देण्यासाठी धमकावलं होतं, तर आज आजम खान यांनी भाजप उमेदवार आणि अभिनेत्री जयाप्रदा यांच्याविरोधात अश्लील वक्तव्य केलं होतं. त्याची गंभीर दखल घेत निवडणूक आयोगाने ही कारवाई केली आहे.