manmohan singh : माजी पंतप्रधान मनमोहनसिंग यांचे PM मोदींना पत्र; म्हणाले 'मंजुरी मिळालेल्या विदेशी लसींची ऑर्डर द्या'

नवी दिल्लीः देशात करोनाचा प्रादुर्भाव झपाट्याने वाढत असल्याने अनेक राज्यांमधील स्थिती बिकट होत चालली आहे. अशातच माजी पंतप्रधान आणि काँग्रेस नेते मनमोहनसिंग ( manmohan singh ) यांनी पंतप्रधान मोदींना ( pm modi ) पत्र लिहिलं आहे. करोनावरील लसीकरण मोहीमेला वेग देण्याची गरज आहे. विदेशी कंपन्यांकडून लस मागवण्यासाठी अॅव्हान्समध्ये ऑर्डर दिली पाहिजे, असं मनमोहनसिंग यांनी पत्रात म्हटलं आहे.

मनमोहनसिंग यांनी केंद्र सरकारला ५ महत्त्वाच्या सूचना केला आहेत. अमेरिका आणि युरोपीय देशांनी ज्या लसींना मंजुरी दिली आहे, अशा लसींचा समावेश देशातील लसीकरण मोहीमेत करावा, असं मनमोहनसिंग म्हणाले.

लस उत्पादकांना करोनावरील किती डोसची ऑर्डर दिली गेली आहे आणि पुढील ६ महिन्यात किती डोसचा पुरवठा केला जाईल, याची माहिती सरकारने जनतेला दिली पाहिजे. आपल्याला पुढील सहा महिन्या निश्चित लोकसंख्येला लसीकरण करायचे असेल तर त्यासाठी आपल्याला लसींची आगाऊ ऑर्डर द्यावी लागेल. यामुळे लसींच्या पुरवठ्यात कुठलीही अडचण होणार नाही, असं मनमोहन सिंग यांनी सांगितलं.


लसीकरण कशा प्रकारे केले जाईल आणि सर्व राज्यांना लसींच्या डोसच्या कशा प्रकारे पुरवठा केला जाईल, हे सरकारने सांगितले पाहिजे. केंद्र सरकार राज्यांना १० टक्के लसींचा पुरवठा तातडीने करून शकते. यानंतर लसींची डिलीवरी होताच पुढील पुरवठा केला पाहिजे, असं मनमोहन सिंग यांनी म्हटलंय.

coronavirus delhi : दिल्लीत करोना संकट; मदतीसाठी केजरीवालांचे PM मोदींना पत्र

४५ वर्षां पेक्षा कमी वयाच्या नागरिकांना लस देण्यासाठी फ्रंटलाइन वर्कर्स किंवा आरोग्य कर्मचाऱ्यांना मुभा दिली पाहिजे. उदाहरणार्थ- शिक्षक, बस-टॅक्सी चालक यांना लस देता येऊ शकते. त्यांचे वय ४५ पेक्षा कमी असेल तरी त्यांना लस दिली गेली पाहिजे, असं माजी पंतप्रधान डॉ. मनमोहन सिंग यांनी पत्रातून सुचवलं आहे.

vk singh : 'प्लीज, हेल्प करा...', केंद्रीय मंत्री व्ही. के. सिंहांच्या ट्वीटवरून वाद, ट्रोलर्सना सुनावलं