‘ऑगस्टा’प्रकरणी बुधवारी संसदेत निवेदन

वृत्तसंस्था, पणजी/चेन्नई

ऑगस्टा वेस्टलँड हेलिकॉप्टर खरेदीत झालेल्या घोटाळ्यासंदर्भातील सर्व सत्य सौद्याच्या घटनाक्रमासह येत्या बुधवारी, ४ मे रोजी संसदेत मांडणार आहे, अशी माहिती संरक्षणमंत्री मनोहर पर्रीकर यांनी रविवारी दिली.

दुसरीकडे ऑगस्टा वेस्टलँड कंपनीला मोदी सरकारने काळ्या यादीतून बाहेर का काढले, याचे उत्तर आधी संरक्षणमंत्र्यांनी द्यावे, असे काँग्रेस प्रवक्ते रणदीप सुरजेवाला यांनी म्हटले आहे. या सौदा घोटाळ्यावरून भाजपने सोनिया गांधी यांना कोंडीत पकडण्याची जय्यत तयारी केली आहे.