कोविड सेंटरमध्ये लग्न, पीपीई किट घालून वधू-वराचं शुभ मंगल सावधान

कोटाः करोना संकटात राजस्थानमध्ये बारा जिल्ह्यातील एक लग्न चर्चेत आलं आहे. बारा जिल्ह्यातील केळवाडा कोविड सेंटरमध्ये करोना प्रोटोकॉलनुसार रविवारी लग्न पार सोहळा पार पडला होता. जिल्ह्यातील किशनगंज तहसीलमधील छतरपुर गावची अंकिता शर्मा आणि शहाबाद तहसीलच्या दांता केळवारा गावात राहणारे श्याम सुंदर शर्मा हे यानंतर विवाह बंधनात अडकले.

लग्नानंतर नवरदेव-नवरीला कोविड सेंटरमध्येच स्वतंत्र खोल्यांमध्ये ठेवण्यात आलं आहे. नवरीच्या कुटुंबीयांची व्यवस्थाही एका स्वतंत्र खोलीत केली गेली होती. मात्र नवरीची अद्याप तिच्या सासरी पाठवणी झालेली नाही. सोमवारी वरासह ३४ वऱ्हाडी मंडळींचे नमुने घेतले जातील. त्यांचा करोना चाचणी रिपोर्ट आल्यावर नवरीला ७ दिवसानंतर घरी पाठवलं जाईल, असं प्रशासनाचं म्हणणं आहे.
coronavirus in india today: देशात अशी आहे करोना संसर्गाची ताजी स्थिती

लग्नात प्रशासनाची दमछाक

वधू अंकिता शर्माने २ दिवसांपूर्वी करोना चाचणीसाठी नमुना दिले होते. रविवारी संध्याकाळी पाच वाजता तिचा रिपोर्ट पॉझिटिव्ह आला. यानंतर अंकिता शर्माला दाखल करण्यासाठी जिल्हा आरोग्य विभागाने तिचा शोध घेतला. अंकिता शर्माचं आज लग्न होणार आहे. तिचं कुटुंब वऱ्हाड घेऊन नवरदेव श्याम सुंदर शर्माच्या घरी दाता केळवाडा गावी गेले आहेत. हे बातमी कळताच बारां जिल्हा आरोग्य प्रशासनात खळबळ उडाली. जिल्ह्याच्या आरोग्य अधिकाऱ्यांची एकच धावपळ उडाली. जिल्हा प्रशासनाला आणि पोलिस प्रशासनालाही कळवण्यात आलं. यानंतर वधू-वराच्या कुटुंबीयांशी जिल्हा प्रशासनाने संपर्क केला. जिल्हाधिकाऱ्यांच्या आदेशानंतर शाहाबाद उपविभाग प्रशासन आणि शहाबाद ब्लॉक सीएमएचओच्या पथकाच्या देखरेखीखाली शहाबाद कोविड केअर सेंटरमध्ये पीपीई किट घालून वधू-वराने लग्नाचे फेरे घेतले. तसंच पाहुण्यांनाही दूर ठेवण्यात आलं होतं. आरोग्य कर्मचाऱ्यांची एक टीम तयार केली. या टीममधील कर्मचार्‍यांनी लग्नाच्या वरातीत सहभागी झालेल्या सर्वांचे करोना चाचणीसाठी नमुने घेतले. सर्वांना क्वारंटाइन करण्यात आलं आहे. भटजींसह वधू-वराच्या पालकांनी पीपीई किट घालून लग्नकार्य पूर्ण केलं.

आंध्रात अज्ञात आजाराचं थैमान; ३०० रुग्ण दाखल, एकाचा मृत्यू