श्रीनगर: पठाणकोट हल्ल्याचा मास्टरमाइंड आणि जैश-ए-मोहम्मदचा मोहरक्या मसूद अजहरने पाकिस्तानच्या रावळपिंडीतील आर्मी बेस हॉस्पिटलमधून पुलवामा हल्ल्याचे आदेश दिले होते, अशी धक्कादायक माहिती समोर आली आहे. मसूद अजहर गेल्या चार महिन्यांपासून आर्मी बेस हॉस्पिटलमध्ये उपचार घेत आहे. भारताविरोधात वापरण्यात येणाऱ्या यूनायटेड जिहाद काऊंसिल (यूजेसी) या जिहादी संघटनेच्या ६ बैठकांना तो आजारपणामुळे हजर राहू शकला नव्हता. पुलवामा हल्ल्याच्या आठ दिवसाआधीच त्याच्या अतिरेक्यांनी या हल्ल्याची तयारी केली होती. या काळात मसूदने या अतिरेक्यांसाठी ऑडिओ मेसेज जारी केला होता, अशी माहितीही पुढे आली आहे.
मसूद अजहरचा भाचा उस्मानला गेल्या वर्षी कंठस्नान घालण्यात आले होते. त्याचा सूड घेण्याचे आदेश त्याने ऑडिओ मेसेजमधून दिले होते. तसेच दहशतवाद्यांना भारताविरोधात भडकावून अतिरेक्यांचं ब्रेन वॉश केलं होतं. काश्मीरमध्ये अजूनही ७० दहशतवादी लपून बसले आहेत. त्यातील ३५ जण पाकिस्तानी असून इतर स्थानिक असल्याचं इंटेलिजन्स ब्युरोमधील काश्मीरच्या एका वरिष्ठ अधिकाऱ्याने सांगितलं.
मसूद अजहरचा भाचा उस्मानला गेल्या वर्षी कंठस्नान घालण्यात आले होते. त्याचा सूड घेण्याचे आदेश त्याने ऑडिओ मेसेजमधून दिले होते. तसेच दहशतवाद्यांना भारताविरोधात भडकावून अतिरेक्यांचं ब्रेन वॉश केलं होतं. काश्मीरमध्ये अजूनही ७० दहशतवादी लपून बसले आहेत. त्यातील ३५ जण पाकिस्तानी असून इतर स्थानिक असल्याचं इंटेलिजन्स ब्युरोमधील काश्मीरच्या एका वरिष्ठ अधिकाऱ्याने सांगितलं.