म. टा. विशेष प्रतिनिधी, नवी दिल्ली
संयुक्त राष्ट्रसंघटनेमध्ये दहशतवादाच्या मुद्द्यावरून पाकिस्तानच्या पंतप्रधानांनी भारतावर केलेल्या शाब्दिक हल्ल्यांना सडेतोड उत्तरे देणाऱ्या भारताच्या कायमस्वरुपी दूतावासातील पहिल्या सचिव आणि तरुण मुत्सद्दी इनम गंभीर यांचा मोबाइल फोन दिल्लीतील भुरट्या गुंडांनी पळविला. मोबाइलचोरांचा तपास लावण्यात दिल्ली पोलिसांना दोन दिवसांपासून यश मिळालेले नाही.
संयुक्त राष्ट्रसंघटनेच्या सर्वसाधारण सभेला संबोधताना पाकिस्तानचे माजी पंतप्रधान नवाझ शरीफ आणि विद्यमान पंतप्रधान शाहीद खाकन अब्बासी यांनी दहशतवादाच्या मुद्द्यावरून भारतावर केलेल्या खोट्या आरोपांचा काही तासातच प्रतिवाद करताना, इनम गंभीर यांनी या आरोपांचा खरपूस समाचार घेतला होता. त्यांच्या रोखठोक उत्तराची जगभर चर्चा झाली होती.
नाताळाच्या सुटीदरम्यान मायदेशी आलेल्या इनम गंभीर आपल्या आईसोबत दिल्लीच्या रोहिणी भागात शनिवारी सायंकाळी फिरत असताना, दोन बाइकस्वारांनी मंदिराचा पत्ता विचारण्याच्या बहाण्याने त्यांचा आयफोन उडविला. अंधारात त्यांना चोरट्यांच्या मोटरसायकलचा क्रमांक दिसू शकला नाही. तक्रारीनंतर पोलिस तात्काळ घटनास्थळी हजर झाले, पण ते चोरांना पकडू शकले नाहीत. चोरट्यांना शोधून काढण्यासाठी दिल्ली पोलीस सीसीटीव्ही फुटेजची पडताळणी करीत आहेत.
संयुक्त राष्ट्रसंघटनेमध्ये दहशतवादाच्या मुद्द्यावरून पाकिस्तानच्या पंतप्रधानांनी भारतावर केलेल्या शाब्दिक हल्ल्यांना सडेतोड उत्तरे देणाऱ्या भारताच्या कायमस्वरुपी दूतावासातील पहिल्या सचिव आणि तरुण मुत्सद्दी इनम गंभीर यांचा मोबाइल फोन दिल्लीतील भुरट्या गुंडांनी पळविला. मोबाइलचोरांचा तपास लावण्यात दिल्ली पोलिसांना दोन दिवसांपासून यश मिळालेले नाही.
संयुक्त राष्ट्रसंघटनेच्या सर्वसाधारण सभेला संबोधताना पाकिस्तानचे माजी पंतप्रधान नवाझ शरीफ आणि विद्यमान पंतप्रधान शाहीद खाकन अब्बासी यांनी दहशतवादाच्या मुद्द्यावरून भारतावर केलेल्या खोट्या आरोपांचा काही तासातच प्रतिवाद करताना, इनम गंभीर यांनी या आरोपांचा खरपूस समाचार घेतला होता. त्यांच्या रोखठोक उत्तराची जगभर चर्चा झाली होती.
नाताळाच्या सुटीदरम्यान मायदेशी आलेल्या इनम गंभीर आपल्या आईसोबत दिल्लीच्या रोहिणी भागात शनिवारी सायंकाळी फिरत असताना, दोन बाइकस्वारांनी मंदिराचा पत्ता विचारण्याच्या बहाण्याने त्यांचा आयफोन उडविला. अंधारात त्यांना चोरट्यांच्या मोटरसायकलचा क्रमांक दिसू शकला नाही. तक्रारीनंतर पोलिस तात्काळ घटनास्थळी हजर झाले, पण ते चोरांना पकडू शकले नाहीत. चोरट्यांना शोधून काढण्यासाठी दिल्ली पोलीस सीसीटीव्ही फुटेजची पडताळणी करीत आहेत.