chopper crash : हेलिकॉप्टर अपघातावर राजनाथ सिंहांचे लोकसभेत निवेदन, संसदही झाली स्तब्ध...

नवी दिल्ली : तामिळनाडू हवाई दलाचे हेलिकॉप्टर कोसळून झालेल्या अपघाताची माहिती आज लोकसभेत संरक्षण मंत्री राजनाथ सिंह यांनी दिली. हेलिकॉप्टरचा संपर्क दुपारी १२ वाजून ८ मिनिटांनी संपर्क तुटला होता. यानंतर स्थानिक नागरिकांनी जंगलात सैन्याच्या हेलिकॉप्टल आग लागलेली पाहिली. हेलिकॉप्टर अपघातानंतर तातडीने मदत आणि बचावकार्य सुरू करण्यात आले, अशी माहिती असं राजनाथ सिंह यांनी दिली.

सीडीएस जनरल बिपीन रावत यांचे हेलिकॉप्टर हे वेलिंगटनमधील लष्कराच्या कॉलेजमध्ये दुपारी १२.१५ वाजता पोहोचणार होते. यासाठी हवाई दलाच्या सुलूर विमानतळावरून एमआय-१७व्ही५ या हेलिकॉप्टरने ११.४८ ला टेक ऑफ केले. पण १२ वाजून ८ मिनिटांनी हेलिकॉप्टरचा सुलूर तळाशी संपर्क तुटला, अशी माहिती राजनाथ सिंहांनी दिली.
बचाव पथक आणि स्थानिक नागरिकांनी अपघातातून बचावलेल्यांना वाचवण्यासाठी शर्थीचे प्रयत्न केले. हेलिकॉप्टर अपघातानंतर जखमींना तातडीने वेलिंगट येथील लष्कराच्या हॉस्पिटलमध्ये दाखल करण्यात आलं. पण या घटनेत गंभीर जखमी झाल्याने १४ पैकी १३ जणांचा मृत्यू झाला. या अपघातातून बचावलेले ग्रुप कॅप्टन वरुण सिंह हे व्हेंटिलेटरवर आहेत. त्यांना वाचवण्याचे शर्थीचे प्रयत्न सुरू आहेत, असे राजनाथ सिंह यांनी सांगितले.

दरम्यान, संसदेच्या दोन्ही सभागृहांमध्ये सीडीएस बिपीन रावत यांच्यासह निधन झालेल्या लष्कराच्या वरिष्ठ अधिकाऱ्यांना आदरांजली वाहण्यात आली. यावेळी दोन्ही सभागृहांमध्ये काही वेळ मौन पाळण्यात आले. लोकसभा अध्यक्ष ओमि बिर्ला आणि राज्यसभेतही निधन झालेल्या अधिकाऱ्यांना आदरांजली वाहिली गेली.

bipin rawat : हेलिकॉप्टर अपघातानंतर बिपीन रावत जिवंत होते; बचाव पथकाला हिंदीत सांगत होते...

एअर मार्शल मानवेंद्र सिंह करणार चौकशी

दरम्यान, या हेलिकॉप्टर घटनेची चौकशी करण्यात येत आहे. भारतीय सैन्याच्या तिन्ही दलांकडून चौकशीचे नेतृत्व करणार आहेत. केंद्र सरकारने या प्रकरणी चौकशीचे आदेश दिले आहेत.