भोपाळ : मध्य प्रदेशातील बेपत्ता असलेले अपक्ष आमदार सुरेंद्रसिंह शेरा परतले असू, मुख्यमंत्री कमलनाथ यांना आपला पाठिंबा आहे, असे त्यांनी जाहीर केले. शेरा हे बुऱ्हाणपूरचे आमदार आहेत. ते शनिवारी दुपारी दिल्लीहून परतले. आपले अपहरण झाल्याच्या वृत्ताचा शेरा यांनी इन्कार केला. सरकार पाडण्यासाठी भारतीय जनता पक्ष आमच्या आमदारांची पळवापळवी करीत असल्याचा आरोप काँग्रेसने केला आहे. हरदीपसिंग डांग, बिसाहूलाल सिंह आणि रघुराज कानसाना हे काँग्रेसचे तीन आमदार अद्याप बेपत्ता आहेत. त्यांच्याशी संपर्क झालेला नाही. राज्याचे जनसंपर्क मंत्री पी. सी. शर्मा यांनी राजा भोज विमानतळावर शेरा यांचे स्वागत केले. त्यानंतर शेरा यांना मुख्यमंत्र्यांच्या निवासस्थानी नेण्यात आले. शेरा पूर्वी काँग्रेसमध्येच होते. मात्र, गेल्या विधानसभा निवडणुकीत त्यांना उमेदवारी नाकारल्याने त्यांनी बंडखोरी केली होती.
बेपत्ता आमदारशेरा परतले
मध्य प्रदेशातील बेपत्ता असलेले अपक्ष आमदार सुरेंद्रसिंह शेरा परतले असू, मुख्यमंत्री कमलनाथ यांना आपला पाठिंबा आहे, असे त्यांनी जाहीर केले...
महाराष्ट्र टाइम्स.कॉम 8 Mar 2020, 4:00 am