मंत्र्यावर छाप्यानंतर सिद्धरामय्यांचा मोदी सरकारवर आरोप
वृत्तसंस्था, बेंगळुरू
कर्नाटकातील ऊर्जा मंत्री डी. के. शिवकुमार यांच्याशी संबंधित ठिकाणांवर प्राप्तिकर विभागाने बुधवारी छापे घातल्यानंतर मुख्यमंत्री सिद्धरामय्या यांनी मोदी सरकारवर टीका केली आहे. मोदी सरकार राजकीय षड्यंत्रासाठी प्राप्तिकर विभागाचा आरोप करत आहे, असा आरोप सिद्धरामय्या यांनी केला आहे. भाजविरोधातील आवाज दाबण्यासाठी ही कारवाई केल्याचेही सिद्धरामय्या यांनी म्हटले आहे.
राज्यसभा निवडणुकीच्या पार्श्वभूमीवर संभाव्य फाटाफूट टाळण्यासाठी काँग्रेसने गुजरातमधील आपल्या ४४ आमदारांना गेल्या शनिवारपासून बेंगळुरूजवळील रिसॉर्टमध्ये ठेवले आहे. या आमदारांच्या राहण्याची व्यवस्था ऊर्जा मंत्री डी. के. शिवकुमार पाहत आहेत. शक्तिशाली वोक्कलिगा समजाच्या शिवकुमार यांचा बेंगळुरू ग्रामीण आणि शेजारील रामनगर जिल्ह्यात दबदबा आहे. पुढील वर्षी होणाऱ्या विधानसभा निवडणुकीसाठी काँग्रेसच्या प्रचार समितीचे प्रमुखपदी त्यांच्याकडे आहे. त्यांच्यावर प्राप्तिकर विभागाचे छापे पडल्यानंतर या टायमिंगविषयी चर्चा सुरू झाली आहे. गुजरातमधील काँग्रेस आमदार गेल्या शनिवारपासून सोबत शिवकुमार रिसॉर्टमध्ये थांबले होते. प्राप्तिकर विभागाच्या अधिकाऱ्यांनी अधिक चौकशीसाठी शिवकुमार यांना त्यांच्या बेंगळुरूतील घरी आणले होते.
‘प्राप्तिकर विभागाने ऊर्जा मंत्री डी. के. शिवकुमार यांच्यावर केलेली कारवाई पूर्णतः राजकीय हेतूने प्रेरित आहे. त्यामागे केंद्र सरकारचा हात असल्याचे सर्वांना माहिती आहे. केंद्र सरकारने प्राप्तिकर विभागाचा असा वापर करून घेणे योग्य नाही. आम्ही अशा प्रकारांपुढे झुकणार नाही,’ असे सिद्धरामय्या यांनी प्रसिद्धीपत्रकात म्हटले आहे.
पोलिसांऐवजी ‘सीआरपीएफ’
‘नियमांनुसार प्राप्तिकर विभागाच्या छाप्यांवेळी संबंधित अधिकारी स्थानिक पोलिसांची मदत मागत असतात. मात्र, या वेळी नियमांचे उल्लंघन करून सीआरपीएफ’च्या कर्मचाऱ्यांचा वापर करण्यात आला,’ असे सिद्धरामय्या यांनी सांगितले. राजकीय हेतूने असे छापे घातले जात असतील, तर लोक येत्या काळात त्यांना धडा शिकवतील, असेही सिद्धरामय्या यांनी म्हटले आहे.
...
कर्नाटकातील मंत्री डी. के. शिवकुमार यांच्याशी संबंधित ठिकाणांवर प्राप्तीकर विभागाने घातलेल्या छाप्यांमागे राजकीय हेतू नाही. गुजरातमधील आमदारांची चौकशी करण्यात आली नाही, तसेच आमदार राहत असलेल्या ठिकाणी छापा घालण्यात आलेला नाही. छापा घालण्यात आलेली व्यक्ती कर्नाटकातील मंत्री आहेत. त्याचा गुजरातशी काहीही संबंध नाही.
- प्रकाश जावडेकर, केंद्रीय मनुष्यबळ विकास मंत्री
वृत्तसंस्था, बेंगळुरू
कर्नाटकातील ऊर्जा मंत्री डी. के. शिवकुमार यांच्याशी संबंधित ठिकाणांवर प्राप्तिकर विभागाने बुधवारी छापे घातल्यानंतर मुख्यमंत्री सिद्धरामय्या यांनी मोदी सरकारवर टीका केली आहे. मोदी सरकार राजकीय षड्यंत्रासाठी प्राप्तिकर विभागाचा आरोप करत आहे, असा आरोप सिद्धरामय्या यांनी केला आहे. भाजविरोधातील आवाज दाबण्यासाठी ही कारवाई केल्याचेही सिद्धरामय्या यांनी म्हटले आहे.
राज्यसभा निवडणुकीच्या पार्श्वभूमीवर संभाव्य फाटाफूट टाळण्यासाठी काँग्रेसने गुजरातमधील आपल्या ४४ आमदारांना गेल्या शनिवारपासून बेंगळुरूजवळील रिसॉर्टमध्ये ठेवले आहे. या आमदारांच्या राहण्याची व्यवस्था ऊर्जा मंत्री डी. के. शिवकुमार पाहत आहेत. शक्तिशाली वोक्कलिगा समजाच्या शिवकुमार यांचा बेंगळुरू ग्रामीण आणि शेजारील रामनगर जिल्ह्यात दबदबा आहे. पुढील वर्षी होणाऱ्या विधानसभा निवडणुकीसाठी काँग्रेसच्या प्रचार समितीचे प्रमुखपदी त्यांच्याकडे आहे. त्यांच्यावर प्राप्तिकर विभागाचे छापे पडल्यानंतर या टायमिंगविषयी चर्चा सुरू झाली आहे. गुजरातमधील काँग्रेस आमदार गेल्या शनिवारपासून सोबत शिवकुमार रिसॉर्टमध्ये थांबले होते. प्राप्तिकर विभागाच्या अधिकाऱ्यांनी अधिक चौकशीसाठी शिवकुमार यांना त्यांच्या बेंगळुरूतील घरी आणले होते.
‘प्राप्तिकर विभागाने ऊर्जा मंत्री डी. के. शिवकुमार यांच्यावर केलेली कारवाई पूर्णतः राजकीय हेतूने प्रेरित आहे. त्यामागे केंद्र सरकारचा हात असल्याचे सर्वांना माहिती आहे. केंद्र सरकारने प्राप्तिकर विभागाचा असा वापर करून घेणे योग्य नाही. आम्ही अशा प्रकारांपुढे झुकणार नाही,’ असे सिद्धरामय्या यांनी प्रसिद्धीपत्रकात म्हटले आहे.
पोलिसांऐवजी ‘सीआरपीएफ’
‘नियमांनुसार प्राप्तिकर विभागाच्या छाप्यांवेळी संबंधित अधिकारी स्थानिक पोलिसांची मदत मागत असतात. मात्र, या वेळी नियमांचे उल्लंघन करून सीआरपीएफ’च्या कर्मचाऱ्यांचा वापर करण्यात आला,’ असे सिद्धरामय्या यांनी सांगितले. राजकीय हेतूने असे छापे घातले जात असतील, तर लोक येत्या काळात त्यांना धडा शिकवतील, असेही सिद्धरामय्या यांनी म्हटले आहे.
...
कर्नाटकातील मंत्री डी. के. शिवकुमार यांच्याशी संबंधित ठिकाणांवर प्राप्तीकर विभागाने घातलेल्या छाप्यांमागे राजकीय हेतू नाही. गुजरातमधील आमदारांची चौकशी करण्यात आली नाही, तसेच आमदार राहत असलेल्या ठिकाणी छापा घालण्यात आलेला नाही. छापा घालण्यात आलेली व्यक्ती कर्नाटकातील मंत्री आहेत. त्याचा गुजरातशी काहीही संबंध नाही.
- प्रकाश जावडेकर, केंद्रीय मनुष्यबळ विकास मंत्री