अ‍ॅपशहर

'पाच टप्पे जिंकलोय, आता केवळ बोनस मते द्या'

उत्तर प्रदेशच्या महाराजगंज येथील प्रचारसभेत पंतप्रधान नरेंद्र मोदींनी मतदारांकडून पुढील दोन टप्प्यातल्या निवडणुकीसाठी बोनस मते मागितली. आधीच्या पाच टप्प्यात झालेल्या मतदानात भाजपलाच बहुमत मिळाले आहे, असा दावा मोदींनी केला. त्यामुळे पुढच्या दोन टप्प्यात फक्त बोनस मते द्या, असे आवाहन त्यांनी केले.

Maharashtra Times 1 Mar 2017, 4:04 pm
मटा ऑनलाइन वृत्त । नवी दिल्ली
महाराष्ट्र टाइम्स.कॉम modi slammed congress vice president rahul gandhi asked for bonus in up elections
'पाच टप्पे जिंकलोय, आता केवळ बोनस मते द्या'


उत्तर प्रदेशच्या महाराजगंज येथील प्रचारसभेत पंतप्रधान नरेंद्र मोदींनी मतदारांकडून पुढील दोन टप्प्यातल्या निवडणुकीसाठी बोनस मते मागितली. आधीच्या पाच टप्प्यात झालेल्या मतदानात भाजपलाच बहुमत मिळाले आहे, असा दावा मोदींनी केला. त्यामुळे पुढच्या दोन टप्प्यात फक्त बोनस मते द्या, असे आवाहन त्यांनी केले.

उत्तर प्रदेश लुटणाऱ्यांकडून जनता गेल्या १५ वर्षांचा राग काढत आहे. त्यामुळे गेल्या पाच टप्प्यातल्या मतदानाचा हिशेब लोकांनी लावला आहे, असे मोदी म्हणाले. 'दुधवाला आणि भाजीवाला कसा थोडी मिर्ची आणि दूध हिशेब न करता बोनस म्हणून जास्त देतो, तसे तुम्ही आता केवळ पाच आणि सहाव्या टप्प्यात अशी बोनस मते द्या,' असे मोदी म्हणाले. अखिलेश आणि राहुल यांच्यावर मोदी यांनी निशाणा साधला. अर्थव्यवस्था सुधारण्यासाठी हार्वर्डवाल्यांना हार्डवर्कवाल्यांनी मागे टाकले असे ते म्हणाले. नोटाबंदी लागू करूनही अर्थव्यवस्थेचा वेग मंदावला नाही, असे ते म्हणाले.

राहुल आणि अखिलेशवर मोदी यांनी पुन्हा सडकून टिका केली. 'एकाकडे देश बरबाद करण्याचं कौशल्य आहे, तर दुसऱ्याकडे उत्तर प्रदेश बरबाद करण्याचं कौशल्य आहे. असे दोघे एकत्र आले तर उत्तर प्रदेशचे काय होईल याचा विचार करा,' असे सांगत राहुल यांना नारळाचे ज्यूस असते की पाणी यातला फरक कळत नाही , असे सांगत राहुलची खिल्ली उडवली.

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज