सूरत :
सूरत विमानतळावरील टर्मिनलच्या विस्तारित इमारतीच्या भूमिपूजन सोहळ्यात आज पंतप्रधान नरेंद्र मोदी यांच्यातील संवेदनशीलतेचा प्रत्यय सर्वांना आला.
भूमिपूजनाची औपचारिकता पार पडल्यानंतर पंतप्रधानांचं भाषण सुरू झालं. यूपीए सरकारच्या काळात बांधण्यात आलेली घरे आणि एनडीए सरकारच्या काळात झालेली घरे याचा तुलनात्मक लेखाजोखा पंतप्रधान मांडत होते. सूरतमधून रोज होणाऱ्या उड्डाणांचाही तपशील त्यांनी दिला. दरम्यान, भाषण ऐन भरात असतानाच कार्यक्रमाचं शूटिंग करत असलेला एक कॅमेरामन भोवळ येऊन कोसळल्याचे मोदींच्या लक्षात आले. मोदींनी क्षणाचाही विलंब न करता आपले भाषण थांबवले आणि अधिकाऱ्यांना कल्पना देऊन तातडीने अॅम्ब्युलन्सची व्यवस्था करण्याची सूचना केली.
पंतप्रधानांच्या सूचनेनुसार, लगेचच धावपळ करण्यात आली. घटनास्थळी १०८ क्रमांकाची अॅम्ब्युलन्स दाखल झाली आणि या कॅमेरामनला रुग्णालयात दाखल करण्यात आले. मिळालेल्या माहितीनुसार, किशन रामोलिया असे या कॅमेरामनचे नाव असून त्याची प्रकृती आता स्थिर आहे.
सूरत विमानतळावरील टर्मिनलच्या विस्तारित इमारतीच्या भूमिपूजन सोहळ्यात आज पंतप्रधान नरेंद्र मोदी यांच्यातील संवेदनशीलतेचा प्रत्यय सर्वांना आला.
भूमिपूजनाची औपचारिकता पार पडल्यानंतर पंतप्रधानांचं भाषण सुरू झालं. यूपीए सरकारच्या काळात बांधण्यात आलेली घरे आणि एनडीए सरकारच्या काळात झालेली घरे याचा तुलनात्मक लेखाजोखा पंतप्रधान मांडत होते. सूरतमधून रोज होणाऱ्या उड्डाणांचाही तपशील त्यांनी दिला. दरम्यान, भाषण ऐन भरात असतानाच कार्यक्रमाचं शूटिंग करत असलेला एक कॅमेरामन भोवळ येऊन कोसळल्याचे मोदींच्या लक्षात आले. मोदींनी क्षणाचाही विलंब न करता आपले भाषण थांबवले आणि अधिकाऱ्यांना कल्पना देऊन तातडीने अॅम्ब्युलन्सची व्यवस्था करण्याची सूचना केली.
पंतप्रधानांच्या सूचनेनुसार, लगेचच धावपळ करण्यात आली. घटनास्थळी १०८ क्रमांकाची अॅम्ब्युलन्स दाखल झाली आणि या कॅमेरामनला रुग्णालयात दाखल करण्यात आले. मिळालेल्या माहितीनुसार, किशन रामोलिया असे या कॅमेरामनचे नाव असून त्याची प्रकृती आता स्थिर आहे.