Monsoon News 2022: पुढच्या ४८ तासांत केरळमध्ये मान्सून? वाचा हवामानाचे ताजे अपडेट्स

नवी दिल्ली : मान्सूनच्या प्रतिक्षेत असणाऱ्यांसाठी ही बातमी महत्त्वाची आहे. खरंतर, यंदा वेळेआधी मान्सून दाखल होईल असा अंदाज हवामान खात्याकडून वर्तवण्यात आला होता. मात्र, आता मान्सून भारतात येण्यापूर्वीच त्याचा प्रवास संत झाल्याचं दिसत आहे. २७ मे रोजी मान्सून केरळमध्ये पोहोचेल, असा अंदाज आयएमडीने वर्तवला होता. पण यासाठी उशीर होण्याची शक्यता आहे.

हवामान खात्याकडून मान्सूनसंदर्भात महत्त्वाची माहिती देण्यात आली आहे. IMD ने ट्विट करत पुढच्या ४८ तासांमध्ये मान्सून नैऋत्य अरबी समुद्राच्या काही भागात, आग्नेय अरबी समुद्राच्या काही भाग, मालदीव आणि कोमोरिन क्षेत्र, दक्षिण आणि पूर्व-मध्य बंगालचा उपसागर आणि बंगालच्या ईशान्येकडील भागात दाखल होईल, असं सांगितलं आहे.

Pre Monsoon Rain Update : राज्यात आणखी एका जिल्ह्यात मुसळधार पावसाला सुरुवात
सध्या केरळमध्ये मान्सूनपूर्व पावसाने हजेरी लावली आहे. हवामान खात्यानुसार, पश्चिमी अडचणींमुळे उत्तर भारतात अनेक राज्यांमध्ये हवामानात बदल झाले आहेत. मागच्या काही दिवसांमध्ये अनेक राज्यांत हलका पाऊस आणि ढगांच्या गडगडाटामुळे कमाल तापमानात घसरण होत आहे. अशात मान्सून सामान्य राहिल अशी माहिती हवामान खात्याकडून देण्यात आली आहे. इतकंच नाहीतर यंदा ९९ टक्के पाऊस होण्याची शक्यता आहे.

काय आहे मान्सूनची स्थिती?

स्कायमेटने (skymet weather) दिलेल्या माहितीनुसार, पुढच्या ४८ तासांमध्ये आग्नेय अरबी समुद्रातील काही भाग, मालदीव आणि कोमोरिन प्रदेश, दक्षिण आणि पूर्व मध्य बंगालच्या उपसागराचा काही भाग आणि ईशान्य बंगालच्या उपसागरात मान्सून पुढे सरकण्यासाठी परिस्थिती अनुकूल होईल.

महाराष्ट्रात प्राचीन तलावाच्या खोदकामात सापडले दुर्मिळ पंचमुखी शिवलिंग, पाहा PHOTOS