Covishield आणि Covaxin लसीचे उत्पादन वाढणार, केंद्र सरकारने दिली माहिती

नवी दिल्लीः करोनावरील कोविशिल्ड लसीचं महिन्याचं उत्पादन ११ कोटीवरून वाढवून १२ कोटींवर आणि कोवॅक्सिनची उत्पादन क्षमता २.५ कोटी डोसवरून वाढवून ५.८ कोटी वाढण्याची अपेक्षा आहे. केंद्रीय आरोग्यमंत्री मनसुख मांडविय यांनी एका लेखी ( Covishield And Covaxin ) उत्तरात राज्यसभेत ही माहिती दिली.

पुण्यातील सीरम इन्स्टिट्यूटद्वारे कोविशिल्ड लसीचे उत्पादन केले जाते. तर कोवॅक्सिन लसचे उत्पादन हे हैदराबादमधील भारत बायोटेकद्वारे केले जाते. कोविशिल्ड लसीच्या उत्पादनाची क्षमता ही महिन्याला ११ कोटी डोसवरून वाढवून ती १२ कोटी केली जाईल. तर कोवॅक्सिनची उत्पादन क्षमता २.५ कोटी डोसवरून वाढवून ती महिन्याला ५.८ कोटी इतकी होण्याची अपेक्षा आहे, अशी माहिती त्यांनी दिली.

विज्ञान आणि तंत्रज्ञान मंत्रालयाअंतर्गत येणार्या जैव-तंत्रज्ञान विभागाने 'मिशन कोविड सुरक्षा- भारतीय कोविड-१९ वॅक्सिन विकास मिशन' ही मोहीम सुरू केली आहे. या मोहीमेनुसार कोवॅक्सिन लसीचे उत्पादन हे भारत बायोटेक आणि मुंबईतील हाफकीन इन्स्टिट्यूट, हैदराबादमधील इंडियन इम्युनोलॉजिकल्स लि., बुलंदशहरातील भारत इम्युनोलॉजिकल्स बायोलॉजिकल्स यांना मदत करेल. भारत सरकारने लसींच्या मंजुरीसाठी नियामक निकष सुलभ आणि सुव्यवस्थित केले आहेत, अशी माहिती मांडवीय यांनी दिली.

coronavirus india : 'करोनाची दुसरी लाट संपलेली नाही', केंद्र सरकारचा ८ राज्यांना इशा

Coronavirus: २४ तासांत ३० हजार रुग्ण दाखल, ४२२ मृत्यूंची नोंद