केरळमधील 'या' मशिदीत घुमणार वैदिक मंत्र!

अलप्पुझाः मशिदीत कधीतरी वैदिक मंत्रोच्चारण झाल्याचे ऐकले आहे का? मशिदीत कधी अग्नि प्रज्वलित केल्याचे पाहिले आहे का? मशिदीत केव्हा हिंदूंच्या पद्धती पार पडल्याचे ऐकले आहे का? केरळमधील नागरिक या ऐतिहासिक क्षणाचे साक्षीदार होणार आहेत. हिंदू-मुस्लीम ऐक्याचे दर्शन अलप्पुझा येथे घडणार असून, मशिदीच्या समितीने हा धाडसी निर्णय घेतला आहे.

१९ जानेवारी २०२० रोजी केरळमधील एका मशिदीत वैदिक मंत्रोच्चार होणार आहेत. अग्नि प्रज्वलित केला जाणार आहे. हिंदू धर्माच्या पद्धतीप्रमाणे सप्तपदी होणार आहे. एका हिंदू तरुणीचे लग्न थेट मशिदीत लावले जाणार आहे. विवाहासाठी मशीद समितीने पुढाकार घेतला असून, या तरुणीला आर्थिक मदतही करण्यात येणार आहे.

किरण बेदी म्हणतात, सूर्यातून येतो ॐचा आवाज!

चेरुवली मुस्लीम जमात मशिदीजवळ अंजू कुमार नामक २२ वर्षांच्या तरुणी वास्तव्य करते. तिच्या वडिलांचा मृत्यू झाला असून, आईने या मुलीचा विवाह निश्चित केला आहे. आर्थिक परिस्थिती अत्यंत बिकट असल्यामुळे अंजूच्या आईने अखेरची आशा म्हणून या मशिदीच्या समितीकडे मदतीची याचना केली. मशीद समितीनेही मोठ्या मनाने मान्यता दिली.

एअर इंडिया बंद पडण्याची अफवा निराधारः लोहानी

अंजूचा विवाह धूमधडाक्यात पार पडावा, यासाठी मशीद समितीने या विवाहासाठी २ लाख रुपये आणि १० सोन्याची नाणी भेट म्हणून देण्याचा निर्णय घेतला आहे. अंजूचे लग्न हिंदू पद्धतीप्रमाणे पार पडेल. आम्ही एक हजार लोकांच्या जेवणाची व्यवस्थाही केली आहे. अंजूचे वडील अशोक कुमार यांचे २०१८ मध्ये निधन झाले. त्यानंतर अंजूच्या कुटुंबीयांनी अत्यंत हलाखीचे जीवन पाहिले आहे, अशी माहिती मशीद समितीचे सचिव नुजुमुद्दीन अलुम्मोत्तिल यांनी दिली.

रुपे कार्डावर सरकारी सूट; SBI, NPCI चा विरोध

विवाहाचा खर्च मोठा असल्याने अंजूची आई बिंदू मशिदीकडे मदत मागितली होती. यानंतर या कुटुंबाला मदत करण्याचा निर्णय समितीने घेतल्याचेही त्यांनी सांगितले. अंजू यांचा विवाह सरथ सासी यांच्याशी होणार आहे. या लग्नाची पत्रिका सोशल मीडियावर व्हायरल होत असून, थाटात होणाऱ्या विवाह सोहळ्यासाठी मशिदीत उपस्थित राहण्याचे आवाहन यात करण्यात आले आहे.