करोनाने मध्य प्रदेश सतर्क; प्रत्येक शहरात रात्रीची संचारबंदी, रविवारी लॉकडाउन

भोपाळः मध्य प्रदेशात करोनाचा संसर्ग वेगाने वाढत आहे. आता राज्य सरकारने करोना नव्या मार्गदर्शक सूचना जारी केल्या आहेत. मुख्यमंत्री शिवराज सिंह चौहान यांच्या अध्यक्षतेखाली बुधवारी महत्त्वाची बैठक झाली. राज्यातील सर्व शहरांमध्ये रात्रीची संचारबंदी लागू करण्याचा निर्णय या बैठकीत घेण्यात आला. रात्रीची संचारबंदी ही उद्या मध्यरात्रीपासून सुरू होईल. यासह सर्व शहरांमध्ये रविवारी लॉकडाउन असेल.

छिंदवाडा जिल्ह्यात ८ एप्रिलापासून रात्री ८ वाजेपासून पुढचे ७ दिवस पूर्णपणे लॉकडाउन असेल. तर शाजापूरमध्ये आज रात्री ८ वाजेपासून ते पुढील दोन दिवस लॉकडाउन घोषित करण्यात आला आहे.

बैठकीनंतर मुख्यमंत्री शिवराज सिंह चौहान यांनी ट्वीट करून झालेल्या निर्णयांची माहिती दिली. राज्यातील सर्व सरकारी कार्यालयांमध्ये पुढील तीन महिने सोमवार ते शुक्रवारपर्यंत कामकाज होईल. सकाळी १० ते संध्याकाळी ६ वाजेपर्यंत काम चालेल. याशिवाय राज्यातील सर्व शहरांमध्ये पुढील आदेशापर्यंत रात्री १० वाजेपासून ते सकाळी ६ वाजेपर्यंत रात्रीची संचारबंदी असेल. उद्यापासून हा निर्णय लागू होईल, असं चौहान यांनी सांगितलं.

coronavirus maharashtra : केंद्रीय मंत्री बरसले, 'महाराष्ट्राच्या उदासिनतेमुळे देशाच्या प्रयत्नांना खीळ'

या बैठकीत मुख्य सचिव इकबाल सिंह बैंस, अप्पर मुख्य सचिव (आरोग्य) मोहम्मद सुलेमान, अप्पर मुख्य सचिव (गृह) राजेश राजौरा आणि मुख्य सचिव मनीष रस्तोगी यांच्यासह वरिष्ठ अधिकारी उपस्थित होते.

coronavirus india : पॉझिटिव्ह रुग्णांच्या नमुन्यांची पुरेशी तपासणी न केल्यास बिकट स्थिती होईल, तज्ज्ञां