करोना चाचणीचा एक रिपोर्ट पॉझिटिव्ह, तर दुसरा निगेटिव्ह; खासदार हनुमानही पडले बुचकळ्यात

जयपूर: नागौरचे खासदार हनुमान बेनीवाल (hanuman beniwal) यांना पुन्हा करोनाची लागण झाल्याचं आढळून आलं आहे. संसद अधिवेशनापूर्वी खासदारांच्या करोना चाचणी करण्यात आली. यात बेनीवाल हे करोना पॉझिटिव्ह आढळून आले होते. यानंतर जयपूरमध्ये त्यांनी करोना चाचणी केली. त्यात त्यांचा रिपोर्ट निगेटिव्ह आला. नागौरचे खासदार हनुमान बेनीवाल यांना यापूर्वी करोनाचा संसर्ग झाला होता. उपचारानंतर ते करोनामुक्त झाले.

पॉझिटिव्ह आढळून आल्यानंतर खासदार बेनीवाल यांनी जयपूरच्या SMS मेडिकल कॉलेजमध्ये तपासणी केली. तपासाचा ताजा रिपोर्ट नकारात्मक आला आहे. संसदेचं अधिवेशन सुरू होण्यापूर्वी ११ सप्टेंबरला खासदार हनुमान बेनीवाल यांनी आपला स्वॅब चाचणीसाठी दिला होता. हा स्वॅब संसदेत करोना तपासणीसाठी देण्यात आला होता. यातील चाचणीत बेनीवाल यांचा रिपोर्ट पॉझिटिव्ह आला होता. लोकसभा सचिवालयातून त्यांना ही माहिती देण्यात आली.

रोग प्रतिकारशक्ती वाढण्यास मास्कची मदत! तज्ज्ञांनी पहिल्यांदा सांगितले फायदे

लॉकडाऊनमध्ये किती प्रवासी मजुरांचा जीव गेला? सरकारला माहीत नाही

दुसऱ्यांदा पॉझिटिव्ह आढळून आल्यानंतर खासदार बेनीवाल यांनी डॉक्टरांचा सल्ला घेत पुन्हा जयपूरच्या एसएमएस मेडिकल कॉलेजमध्ये करोना चाचणी केली. आणि या चाचणीचा अहवाल निगेटिव्ह आला. यानंतर खासदार बेनीवाल यांनी ट्विट करत आपण स्वस्थ असल्याचं सांगितलंय. 'लोकसभेच्या आवारात आपण कोविड -१९ ची चाचणी केली. या चाचणीचा रिपोर्ट पॉझिटिव्ह आला. यानंतर जयपूरमध्ये एसएमएस मेडिकल कॉलेजमध्ये आपण पुन्हा करोना चाचणी केली. या चाचणीचा रिपोर्ट निगेटिव्ह आला. आता हे दोन्ही रिपोर्ट तुमच्या समोर मांडतोय. यातील कोणता रिपोर्ट अचूक आहे हे कसं समजणार?', असा सवाल त्यांनी ट्विटमधून उपस्थित केला आहे.