गुरुदासपूर: पंजाबमध्ये जानेवारी महिन्यात काँग्रेस कार्यकर्त्यांनी गुरुदासपूरचे खासदार सनी देओल हे बेपत्ता झाल्याचे पोस्टर्स लावले होते. लोकसभा निवडणुकीनंतर आपल्या दाव्यांच्या अगदी उलट सनी आपल्या मतदारक्षेत्रात अतिशय कमी दिसले. याच कारणामुळे विरोधकांनी त्यांच्यावर निशाणा साधला. त्यांचे बेपत्ता होण्याबाबतचे पोस्टर्स झळकल्यानंतर रविवारी सनी आपल्या भागात दिसले. इतकेच नाही, तर त्यांनी अनेक कार्यक्रमांमध्ये देखील भाग घेतला.
सनी देओल पंजाबच्या बाटला येथील आर. आर. बावा डीएव्ही कॉलेजमध्ये वार्षिक कार्यक्रमात प्रमुख पाहुणे म्हणून उपस्थित राहिले. या वेळी त्यांना पाहून विद्यार्थ्यांमध्ये उत्साह संचारला होता. या विद्यार्थ्यांमध्ये सामील होत सनी देओल यांनी नृत्यही केले. इतकेच नाही तर यावेळी त्यांनी 'ढाई किलो का हाथ' आणि 'तारीख पर तारीख' सारखे लोकप्रिय डायलॉग देखील ऐकवले. या दरम्यान सनी देओल यांनी गुरुदासपूर लोकसभा मतदारसंघ क्षेत्रातील विकासकामांसाठी अधिकाऱ्यांसोबत बैठक घेतली.
'ज्याला जे वाटते ते त्यांनी बोलावे'
दीर्घकालानंतर आपल्या मतदारसंघात पोहोचलेल्या सनी देओल यांनी पत्रकारांच्या प्रश्नांची उत्तरे दिली. मी माझ्या क्षेत्रात काम करत असल्याचे त्यांनी यावेळी पत्रकारांना सांगितले. 'बेपत्ता' पोस्टर्स लावण्याबाबत विचारले असता सनी म्हणाले की, ज्याला जे म्हणायचे आहे ते त्यांनी म्हणावे.
सनी देओल यांनी गुरुदासपूर लोकसभा मतदारसंघातून निवडणूक लढवली होती. यात त्यांनी प्रदेश काँग्रेसचे अध्यक्ष सुनील जाखड यांचा पराभव केला होता.
सनी देओल पंजाबच्या बाटला येथील आर. आर. बावा डीएव्ही कॉलेजमध्ये वार्षिक कार्यक्रमात प्रमुख पाहुणे म्हणून उपस्थित राहिले. या वेळी त्यांना पाहून विद्यार्थ्यांमध्ये उत्साह संचारला होता. या विद्यार्थ्यांमध्ये सामील होत सनी देओल यांनी नृत्यही केले. इतकेच नाही तर यावेळी त्यांनी 'ढाई किलो का हाथ' आणि 'तारीख पर तारीख' सारखे लोकप्रिय डायलॉग देखील ऐकवले. या दरम्यान सनी देओल यांनी गुरुदासपूर लोकसभा मतदारसंघ क्षेत्रातील विकासकामांसाठी अधिकाऱ्यांसोबत बैठक घेतली.
'ज्याला जे वाटते ते त्यांनी बोलावे'
दीर्घकालानंतर आपल्या मतदारसंघात पोहोचलेल्या सनी देओल यांनी पत्रकारांच्या प्रश्नांची उत्तरे दिली. मी माझ्या क्षेत्रात काम करत असल्याचे त्यांनी यावेळी पत्रकारांना सांगितले. 'बेपत्ता' पोस्टर्स लावण्याबाबत विचारले असता सनी म्हणाले की, ज्याला जे म्हणायचे आहे ते त्यांनी म्हणावे.
सनी देओल यांनी गुरुदासपूर लोकसभा मतदारसंघातून निवडणूक लढवली होती. यात त्यांनी प्रदेश काँग्रेसचे अध्यक्ष सुनील जाखड यांचा पराभव केला होता.