मुहम्मद बिन कसीम नवा म्होरक्या

श्रीनगर : शोपियन जिल्ह्यात भारतीय जवानांसोबत झालेल्या चकमकीत ठार झालेल्या यासीन यट्टूच्या जागी हिजबूल मुजाहिद्दीन या दहशतवादी संघटनेने सोमवारी मुहम्मद बिन कसीम या नव्या कंमाडरची निवड केली. पाकव्याप्त काश्मीरमधील मुझफ्फराबाद येथे सईद सलाहुद्दीन याच्या अध्यक्षतेखालील बैठकीत कसीमच्या नावावर शिक्कामोर्तब करण्यात आले.

देशद्रोही आणि भारतीय एजंट्समुळे अनेक दहशतवादी मारले जात आहेत. यट्टू ऊर्फ गझनवी व त्याचे दोन साथीदार शोपियन जिल्ह्यातील चकमकीत ठार झाले, असे सलाहुद्दीन म्हणाला.

मध्य काश्मीरमधील बडगाम जिल्हाचा रहिवासी असलेला यट्टी १९९६पासून हिजबूल मुजाहिद्दीन संघटनेशी जोडलेला होता. २०१६ पासून काश्मीर अस्थिर ठेवण्यात त्याचा मोठा सहभाग होता.