म. टा. विशेष प्रतिनिधी, नवी दिल्ली
मुंबईतील पश्चिम, मध्य आणि हार्बर रेल्वेमार्गांवरील आठ रेल्वे स्थानकांच्या नामांतराचे प्रस्ताव तातडीने मंजूर करण्यात यावे, अशी मागणी सोमवारी राज्याचे परिवहन मंत्री दिवाकर रावते तसेच शिवसेनेचे खासदार अरविंद सावंत आणि श्रीरंग बारणे यांनी केंद्रीय गृहमंत्री राजनाथ सिंह यांना भेटून केली. राज्य सरकारच्या प्रस्तावानुसार एलफिन्स्टन स्थानकाचे प्रभादेवी असे नामकरण करण्यास केंद्राने मंजुरी दिल्याचे सूत्रांनी सांगितले.
पश्चिम रेल्वे मार्गावरील एलफिन्स्टन रेल्वे स्थानकाचे प्रभादेवी, मुंबई सेंट्रलचे नाना शंकरशेट, ग्रँट रोडचे गावदेवी, चर्नी रोडचे गिरगाव; तसेच मध्य रेल्वे मार्गावरील करीरोडचे लालबाग, सँडहर्स्ट रोडचे डोंगरी, तर हार्बर मार्गावरील कॉटनग्रीनचे काळाचौकी आणि रे रोड स्थानकाचे घोडपदेव असे नामांतर करण्याचे प्रस्ताव राज्य सरकारच्या वतीने केंद्रीय गृह मंत्रालयाला पाठविण्यात आले आहेत. या आठ रेल्वे स्थानकांच्या नामांतराच्या प्रस्तावांपैकी एलफिन्स्टन स्थानकाचे प्रभादेवी असे नामकरण करण्याला गृह खात्याने मंजुरी दिली असून त्यावर रेल्वे मंत्रालयानेही शिक्कामोर्तब करून हा प्रस्ताव गृह मंत्रालयाकडे पाठविल्याचे सूत्रांनी सांगितले. स्थानकांच्या नामांतराचा प्रस्ताव राज्य सरकारच्या वतीने केंद्रीय गृह मंत्रालयाकडे पाठविला जातो. गृह मंत्रालयाच्या मंजुरीनंतर त्यावर रेल्वे मंत्रालयाकडून औपचारिक शिक्कामोर्तब केले जाते आणि तो प्रस्ताव पुन्हा केंद्रीय गृह मंत्रालयाकडे पाठविण्यात येतो.
असे होणार नामांतर
मुंबई सेंट्रल : नाना शंकरशेट
ग्रँट रोड : गावदेवी
चर्नी रोड : गिरगाव
करीरोड : लालबाग
सँडहर्स्ट रोड : डोंगरी
कॉटनग्रीन : काळाचौकी
रे रोड : घोडपदेव
मुंबईतील पश्चिम, मध्य आणि हार्बर रेल्वेमार्गांवरील आठ रेल्वे स्थानकांच्या नामांतराचे प्रस्ताव तातडीने मंजूर करण्यात यावे, अशी मागणी सोमवारी राज्याचे परिवहन मंत्री दिवाकर रावते तसेच शिवसेनेचे खासदार अरविंद सावंत आणि श्रीरंग बारणे यांनी केंद्रीय गृहमंत्री राजनाथ सिंह यांना भेटून केली. राज्य सरकारच्या प्रस्तावानुसार एलफिन्स्टन स्थानकाचे प्रभादेवी असे नामकरण करण्यास केंद्राने मंजुरी दिल्याचे सूत्रांनी सांगितले.
पश्चिम रेल्वे मार्गावरील एलफिन्स्टन रेल्वे स्थानकाचे प्रभादेवी, मुंबई सेंट्रलचे नाना शंकरशेट, ग्रँट रोडचे गावदेवी, चर्नी रोडचे गिरगाव; तसेच मध्य रेल्वे मार्गावरील करीरोडचे लालबाग, सँडहर्स्ट रोडचे डोंगरी, तर हार्बर मार्गावरील कॉटनग्रीनचे काळाचौकी आणि रे रोड स्थानकाचे घोडपदेव असे नामांतर करण्याचे प्रस्ताव राज्य सरकारच्या वतीने केंद्रीय गृह मंत्रालयाला पाठविण्यात आले आहेत. या आठ रेल्वे स्थानकांच्या नामांतराच्या प्रस्तावांपैकी एलफिन्स्टन स्थानकाचे प्रभादेवी असे नामकरण करण्याला गृह खात्याने मंजुरी दिली असून त्यावर रेल्वे मंत्रालयानेही शिक्कामोर्तब करून हा प्रस्ताव गृह मंत्रालयाकडे पाठविल्याचे सूत्रांनी सांगितले. स्थानकांच्या नामांतराचा प्रस्ताव राज्य सरकारच्या वतीने केंद्रीय गृह मंत्रालयाकडे पाठविला जातो. गृह मंत्रालयाच्या मंजुरीनंतर त्यावर रेल्वे मंत्रालयाकडून औपचारिक शिक्कामोर्तब केले जाते आणि तो प्रस्ताव पुन्हा केंद्रीय गृह मंत्रालयाकडे पाठविण्यात येतो.
असे होणार नामांतर
मुंबई सेंट्रल : नाना शंकरशेट
ग्रँट रोड : गावदेवी
चर्नी रोड : गिरगाव
करीरोड : लालबाग
सँडहर्स्ट रोड : डोंगरी
कॉटनग्रीन : काळाचौकी
रे रोड : घोडपदेव