वृत्तसंस्था, श्रीनगर
जम्मू-काश्मीरमधील बारामुल्ला जिल्ह्यात दहशतवाद्यांनी एका लष्करी जवानाच्या घरात घुसून त्याची हत्या केली. मोहम्मत रफी यतू असे या जवानाचे नाव असून, सोपोर भागातील त्याचा घरात दहशतवाद्यांनी त्याच्यावर गोळ्या झाडल्या. गंभीर जखमी अवस्थेत यतूला रुग्णालयात दाखल करण्यात आले असता, उपचारादरम्यान त्याचा मृत्यू झाला.
दोन दशतवाद्यांना कंठस्नान
श्रीनगर : जम्मू-काश्मीरमधील शोपियन जिल्ह्यात सुरक्षा दलाशी झालेल्या चकमकीत दोन दहशतवाद्यांना कंटस्थान घालण्यात जवानांना शनिवारी यश आले. गस्तीवर असलेल्या पथकावर दहशतवाद्यांनी गोळीबार केला. त्याला जवानांना चोख प्रत्युत्तर दिले. यात दोन दहशतवादी ठार झाले. त्यांची ओळख पटवण्याचा व ते कुठल्या संघटनेशी संबंधित आहेत, याचा शोध घेण्याचा प्रयत्न उशिरापर्यंत सुरू होता.