इंदूर: बारावीची परीक्षा देणाऱ्या येथील एका शाळेतील ४० मुस्लिम विद्यार्थिनींना वेगळे बसायला सांगण्यात आले. करोना संसर्ग रोखण्यासाठीच्या नियमांनुसारच असे केले गेले असून, धार्मिक भेदाभेद केला नसल्याचे स्पष्टीकरण अधिकाऱ्यांनी दिले आहे. या मुलींबरोबर धार्मिक भेद केल्याची तक्रार संबंधित विद्यार्थिनींच्या पालकांनी केली आहे. करोनारुग्णांची सर्वाधिक संख्या असणाऱ्या शहरांपैकी एक इंदूर आहे. जिल्ह्यातील ४० विद्यार्थिनी परीक्षेसाठी शहरातील नवलाखा परिसरातील बंगाली हायर सेकंडरी स्कूल येथे परीक्षा केंद्रावर आल्या होत्या. त्यांच्यापैकी एका हिंदू विद्यार्थिनीला इतरांपासून वेगळे बसविण्यात आले.
इस्लामिया करिमिया गर्ल्स हायर सेकंडरी स्कूल चालविणाऱ्या मुस्लिम समाजाच्या धर्मादाय संस्थेने गुरुवारी या वागणुकीबाबत विद्यार्थिनींना पाठिंबा दिला आहे. यासाठी त्यांनी जिल्हा प्रशासनाकडे संबंधित शाळेविरुद्ध याचिका दाखल केली आहे.
इस्लामिया करिमिया गर्ल्स हायर सेकंडरी स्कूल चालविणाऱ्या मुस्लिम समाजाच्या धर्मादाय संस्थेने गुरुवारी या वागणुकीबाबत विद्यार्थिनींना पाठिंबा दिला आहे. यासाठी त्यांनी जिल्हा प्रशासनाकडे संबंधित शाळेविरुद्ध याचिका दाखल केली आहे.