डिजिटायझेशनला वेग मिळेल : नीलेकणी

नवी दिल्ली : ‘नोटाबंदीमुळे वित्तीय अर्थव्यवस्था आणि वित्तीय सेवांच्या डिजिटायझेशनला अधिक वेग मिळेल,’ अशा शब्दांत ‘आधार’चे माजी अध्यक्ष नंदन नीलेकणी यांनी नोटाबंदीला पाठिंबा दिला. ‘कॅशलेस व्यवहारांमुळे देशातून नोकरशाहीची मुळापासून उचलबांगडी होईल,’ असेही ते म्हणाले.

‘टाइम्स ऑफ इंडिया’च्या ‘लिटफेस्ट’ कार्यक्रमामध्ये ते बोलत होते. ते म्हणाले, ‘व्यवस्थेला धक्का दिल्याने डिजिटायझेशनला वेग मिळेल. नोटाबंदीमुळे जो त्रास होत आहे, तो काही काळ राहील; पण येत्या तीन महिन्यांत सर्वत्र डिजिटायझेशन वाढीला लागेल. सामान्यतः या कामासाठी तीन वर्षांचा काळ लागला असता, पण तो तीन महिन्यांत होईल. लक्षावधी स्मार्टफोन देशात आहेत. स्मार्टफोन, तसेच फीचर फोन वापरणारे युनिफाइड पेमेंट

इंटरफेसचा वापर करून ऑनलाइन पेमेंट करू शकतात. फीचर फोन असणारे ‘यूपीआय’चाही वापर करू शकतात. ज्यांच्याकडे फोन नाही ते आधार कार्डचा वापर करून मायक्रो एटीएमवरून पैसे देऊ शकतात.’