narendra modi: माझ्याही मनात आग धुमसतेय: मोदी

पाटणा: पुलवामा हल्ल्यानंतर देशवासियांच्या मनात भडकलेली आग, माझ्याही मनात धुमसत आहे, असं सांगत पंतप्रधान नरेंद्र मोदी यांनी पुलवामा हल्ल्यात शहीद झालेले जवान संजयकुमार सिन्हा आणि रतनकुमार ठाकूर यांना श्रद्धांजली अर्पण केली. बिहारच्या बरौनी येथे विविध विकास कामांचं लोकापर्ण करताना ते बोलत होते.

दहशतवादी हल्ल्यानंतर देशवासियांच्या मनात किती आग भडकलीय हे मी समजू शकतो, अनुभवू शकतो. जी आग तुमच्या हृदयात पेटलीय, तिच आग माझ्याही मनात धुमसत आहे, असं पंतप्रधान मोदी म्हणाले. यावेळी मोदी यांच्या हस्ते १३ हजार ३६५ कोटी खर्चाच्या पाटणा मेट्रो प्रकल्पाचं उद्घाटन करण्यात आलं. त्याशिवाय त्यांनी इतर डझनभर विकास कामांचंही लोकार्पण केलं. याप्रसंगी बिहारचे मुख्यमंत्री नितीश कुमार आणि उपमुख्यमंत्री सुशील कुमार मोदी उपस्थित होते.