navjot singh sidhu : सिद्धूंच्या १ हजार वाहनांच्या ताफ्याला यूपी पोलिसांनी लावला ब्रेक! सहारनपूरमध्ये घेतले ताब्यात

लखनऊः काँग्रेस नेते नवज्योत सिंग सिद्धूंचा ताफा सहारनपूरमध्ये थांबवण्यात आला आहे. यानंतर सिद्धूंना पोलिसांनी ताब्यात घेतले आहे. सिद्धू हे ताफ्यासह लखीमपूर खिरीला जात होते. त्यापूर्वी पंजाब काँग्रेसच्या कार्यकर्त्यांनी बॅरिकेड्स तोडून पुढे जाण्याचा प्रयत्न केला. पण मोठ्या संख्येने पोलीस दल तैनात करण्यात आल्याने त्यांना पुढे जाता आलं नाही. सिद्धूंचा ताफा हा यूपी-हरयाणा सीमेवर थांबवण्यात आला. नवजोत सिंग सिद्धू यांच्यासह काँग्रेसचे अनेक नेते या ताफ्यात आहेत. पंजाबचे कॅबिनेट मंत्री विजेंदर सिंगलाही आहेत. बॅरिकेड्स तोडले जाऊन नयेत म्हणून पोलिसांना तैनात करण्यात आलं आहे.

पोलिसांनी रोखल्याने सुमारे तीन किलोमीटरपर्यंत पंजाब काँग्रेस कार्यकर्त्यांच्या वाहनांची रांग लागली आहे. उत्तर प्रदेशच्या लखीमपूर खिरीमध्ये रविवारी हिंसाचार झाला होता. यांच्या शेतकऱ्यांवर गाडी घालून त्यांना चिरडण्यात आलं. यानंतर उसळलेल्या हिंसाचारात ४ शेतकऱ्यांसह एकूण ८ जणांचा मृत्यू झाला.

Lakhimpur Violence: अटक नाही, हत्या प्रकरणातील आरोपी 'मंत्रीपुत्रा'ला पोलिसांनी धाडले समन्स

नवज्योत सिंग सिद्धू यांनी अलीकडेच पंजाब काँग्रेस प्रदेशाध्यक्षपदाचा राजीनामा दिला होता. पक्षाने तो अद्याप स्वीकारलेला नाही. दुसरीकडे, लखीमपूर खिरी हिंसाचार घटनेवरून केंद्रीय मंत्री अजय मिश्रा यांच्या मुलाला शेतकऱ्यांच्या हत्येप्रकरणी अटक न झाल्यास काँग्रेसचे पंजाबमधील कार्यकर्ते उत्तर प्रदेशातील लखीमपूर खिरीला जातील, असा इशारा सिद्धूंनी मंगळवारी दिला होता.

Lakhimpur Violence: आरोपी कोण? कुणाला अटक? सर्वोच्च न्यायालयानं यूपी सरकारला विचारला प्र