हरिश रावत नवज्योतसिंग सिद्धूंना म्हणाले, 'पंजाबमध्ये कॅप्टन.....'

चंदीगडः नवज्योतसिंग सिद्धू यांना ( navjot singh sidhu ) सरकारमध्ये काम करायचे असल्यास मुख्यमंत्री कॅप्टन अमरिंदर सिंग ( captain amrinder singh ) यांच्यासोबत काम करावे लागेल. सिद्धू यांना पंजाबमध्ये नवीन जबाबदारी देण्याच्या चर्चेवर पंजाबचे काँग्रेस प्रभारी हरिश रावत ( harish rawat ) यांनी उत्तर दिलं.

स्थानिक स्वराज्य संस्थांच्या निवडणुकांपूर्वी सिद्धू यांना जबाबदारी मिळाली असती. पण आता पंजाबच्या अर्थसंकल्पीय अधिवेशनानंतर (१ ते १० मार्च) हा निर्णय घेण्यात येईल. कॅप्टन अमरिंदर सिंग हे कॉंग्रेस हायकमांडचा एक भाग आहेत. पंजाबमध्ये दुसऱ्या फळीचे नेते तयार करणे ही कॅप्टन अमरिंदर सिंग यांची जबाबदारी आहे, असं रावत म्हणाले.

हरिश रावत हे सिद्धू यांना नवीन जबाबदारी देण्याच्या बाजूने आहेत. या पुढे जे काही होईल ते सिद्धू यांची क्षमता आणि भविष्यात पक्षाच्या संभाव्यतेच्या दृष्टीने असेल. आता दोन्ही नेत्यांमध्ये (कॅप्टन आणि सिद्धू) अबोला दूर झाला आहे. यामुळे दोन्ही नेत्यांमध्ये आणखी काही असेल ते दूर लवकरच होईल आणि सिद्धू यांना त्यांच्या क्षमतेनुसार जबाबदारी देण्यात येईल, अशी आशा रावत यांनी व्यक्त केली जातेय.

Puducherry : पुदुच्चेरीत काँग्रेस सरकार कोसळलं, मुख्यमंत्री नारायणसामींचा राजीनामा

रावत यांनी पंजाबचे मुख्यमंत्री कॅप्टन अमरिंदर सिंग यांचे कौतुक केले. पंजाबमध्ये कॉंग्रेस आणि कॅप्टन हे एकमेकांचे पर्याय आहेत. पक्षात त्यांच्यासारखी पत असलेला नेता नाही. यामुळे कॅप्टन यांनी दुसऱ्या फळीतील नेते तयार केले पाहिजेत, अशी पक्षाला त्यांच्याकडून अपेक्षा आहे. कारण दुसर्‍या फळीच्या नेत्यावरही कॅप्टनचा हात दिसून आला पाहिजे, असं रावत म्हणाले.

sachin pilot : राजस्थानमध्ये पुन्हा सचिन पायलट वि. अशोक गहलोत सामना? आता शेतकऱ्यांचा मुद्दा

सिद्धू यांची वचनबद्धता राहुल गांधींशी आहे. राहुल गांधी यांच्या आदेशाचे पालन करणार असल्याचं सिद्ध यांनी आधीच सांगितलं आहे. अशा परिस्थितीत सिद्धू यांना पक्षात काम करायचं आहे की सरकारमध्ये हे त्यांच्यावर अवलंबून आहे. सिद्धू हे राजकीयदृष्ट्या परिपक्व नेते आहेत. यामुळे त्यांना राष्ट्रीय स्तरावर पक्षाच्या स्टार प्रचारकाचा दर्जा मिळाला आहे, असं रावत यांनी सांगितलं.

सिद्धू यांना पंजाब कॉंग्रेसचे अध्यक्षपद हवे आहे. पण कॅप्टन त्यांना प्रदेशाध्यक्ष बनवू इच्छित नाहीत, असा प्रश्न रावत यांना केला गेला. ही गोष्ट कोठून आली हे माहित नाही. पण कॅप्टन अमरिंदर सिंग हे सिद्धू यांना आपला छोटा भाऊ मानतात, असं हरिश रावत म्हणाले.