rabia kaur sidhu : सिद्धूंच्या कन्येचा धमाका! काँग्रेस हायकमांडसह CM चन्नींवरही डागली तोफ, राबिया म्हणाली...

चंदीगड : पंजाब काँग्रेसचे प्रदेशाध्यक्ष नवज्योत सिंग सिद्धू ( navjot singh sidhu ) यांना विधानसभा निवडणुकीत कुटुंबीयांचा पूर्ण पाठिंबा मिळत आहे. सिद्धूंची कन्या राबियाने ( rabia kaur sidhu ) हायकमांड आणि मुख्यमंत्री चन्नी यांच्यावर निशाणा साधला आहे. 'काँग्रेस हायकमांडची मजबुरी असावी, पण प्रामाणिक माणसाला कोणीही रोखू शकत नाही. भ्रष्टाचाऱ्यांना थांबलेच पाहिजे, असं राबियाने म्हटले.

ज्याच्या खात्यात १३३ कोटींहून अधिक रक्कम आहे, तो गरीब नाही. चन्नीजी गरीब नाहीत. ते गरीब कोट्यधीश आहेत. सिद्धू पंजाबसाठी लढतात आणि पण त्यांना पुढे येऊ दिले जात नाहीए, असं म्हणत राबियाने चन्नींवर हल्लाबोल केला आहे.

राबियाने चन्नींवर टीका करण्यापूर्वी सिद्धूंची पत्नी नवज्योत कौर यांनीही चन्नींवर निशाणा साधला आहे. आम्ही चरणजीत सिंग चन्नी यांच्यापेक्षा गरीब आहोत. त्यांचे घर पाहा, आमचे घर पाहा, असं नवज्योत कौर म्हणाल्या. त्याचवेळी वडिलांसाठी प्रचार करणाऱ्या राबिया सिद्धूने इमोशनल कार्ड खेळले आहे. जोपर्यंत वडील ( नवज्योत सिंग सिद्धू ) निवडणूक जिंकत नाहीत, तोपर्यंत मी लग्न करणार नाही, असे तिने सांगितले. राबियाने आई नवज्योत कौर सिद्धू यांच्या वक्तव्यावर ही प्रतिक्रिया दिली. मुलीच्या लग्नासाठीही आपल्याकडे पैसे नाहीत, असं नवज्योत कौर म्हणाल्या होत्या.

assembly elections : विधानसभा निवडणुकांवरून सट्टा बाजार गरम; यूपीत कोण जिंकणार? कोणाला किती भाव? बघा...

मजिठियांवर पंजाबला रोखल्याचा आरोप

अकाली दलाचे उमेदवार बिक्रम सिंग मजिठिया यांनी वडिलांकडून राजकारणाची धडे गिरवले आणि आता त्यांचा एक व्हिडिओ देखील आहे. यामध्ये मजिठिया हे वडिलांना मित्र म्हणत आहेत, असं राबिया सिद्धूने म्हटले. राबियाने आज काहीकाळ घरोघरी जाऊन प्रचार केला. वडिलांना जो पंजाब निर्माण करायचा आहे, त्याला रोखण्यासाठी मजिठिया इथे आले आहेत. मग ते इतरत्र का गेले नाही? अप्रत्यक्षपणे बिक्रम मजिठिया हे दोन जागांवरून निवडणूक लढवत आहेत. मजिठा येथून त्यांची पत्नीनी निवडणूक लढवत आहे, असं राबिया सिद्धू म्हणाली.

Sonia Gandhi: सोनिया गांधी यांच्या निवासस्थानाचे भाडे थकीत!; नेमकी माहिती जाणून घ्या

मुख्यमंत्रीपदाच्या उमेदवाराच्या शर्यतीत होते सिद्धू

दुसरीकडे, मुख्यमंत्रीपदाच्या उमेदवाराबाबत नवज्योत सिंग सिद्धू यांनी एक मुलाखत दिली आहे. 'तुम्हाला ६० आमदार मिळतील की नाही, हे पंजाबची जनता ठरवे. आणि ६० आमदार जिंकून आले नाहीत, तर मुख्यमंत्री कसा होणार? राजकारणात काहीही निश्चित नसतं, हे लक्षात घेतलं पाहिजे, असं सिद्धू म्हणाले. 'जर ६० आमदार जिंकले तर आमचा मुख्यमंत्री होईल, पण तसे झाले नाही तर दुसरे कोणीतरी सरकार बनवेल, किंवा कोणाला बहुमत मिळाले नाही तर काय होईल याबद्दल कोणीही काहीच सांगू शकत नाही, असं नवज्योत सिंग सिद्धूंनी स्पष्ट केलं.