छत्तीसगडमध्ये नक्षलवाद्यांचा हल्ला, दोन पोलीस शहीद

रायपूर:

महाराष्ट्र टाइम्स.कॉम

छत्तीसगडच्या बीजापूर येथील तोंगगुडा कँम्पच्याबाहेर नक्षलवाद्यांनी केलेल्या हल्ल्यात दोन पोलीस शहीद झाले तर एक पोलीस जखमी झाला आहे. जखमी पोलिसाची प्रकृती गंभीर असून त्याच्यावर उपचार सुरू आहेत.

आज सायंकाळी नक्षलवाद्यांनी हा हल्ला केला. या हल्यात शहीद झालेले दोन्ही पोलीस जिल्हा पोलीस दलात कार्यरत होते. अरविंद मिंज आणि सुक्खू हपका असं या शहीद पोलिसांची नावं आहेत. नक्षलवाद्याच्या स्मॉल टीमने हा हल्ला केला असून पोलीस उपमहासंचालक सुंदरराज यांनी या हल्ल्याची पृष्टी केली आहे. या हल्ल्यात गंभीर जखमी झालेल्या पोलिसाला चेरला येथील रुग्णालयात दाखल करण्यात आलं आहे.

यापूर्वी २३ एप्रिल रोजी बीजापूर सुरक्षा दल आणि नक्षलवाद्यांदरम्यान चकमक उडाली होती. त्यात एका नक्षलवाद्याला कंठस्नान घालण्यात आलं होतं. तर दंतेवाडा येथील नक्षलवादी हल्ल्यात भाजपचे आमदार भीमा मंडावी ठार झाले होते. मंडावी यांच्याशिवाय ३ पीएसओ आणि ड्रायव्हरचा मृत्यू झाला होता.