'राफेल' करारामुळे १२६०० कोटींची बचत

मटा ऑनलाइन वृत्त । नवी दिल्ली

फ्रान्ससोबतच्या राफेल विमान खरेदी करारातून नरेंद्र मोदी यांच्या नेतृत्वाखालील एनडीए सरकारने तब्बल १२ हजार ६०० कोटी रुपयांची बचत केली आहे. राफेल विमान खरेदीसह शस्त्रे, प्रशिक्षण आणि देखभाल-दुरुस्तीच्या व्यवहारात मोठी बचत केली आहे, असा दावा सरकारने केला आहे.

राफेल विमानांच्या किंमती वाढल्याने हा खरेदी व्यवहार महागात पडला, असा आरोप करत काँग्रेसने मोदी सरकारवर हल्लाबोल केला होता. यूपीए सरकारच्या काळात एक विमान ५२६ कोटी रुपयांना खरेदी करण्याबाबत चर्चा झाली होती. पण मोदी सरकारच्या काळात त्याच विमानाची किंमत १५७० कोटी रुपये झाली. एनडीए सरकारने काँग्रेसचे सर्व आरोप फेटाळले आहेत. उड्डाणावस्थेतील सर्व विमाने खरेदी करणार आहोत. हा करार करून १२ हजार ६०० कोटी रुपयांची बचत केली आहे, असा दावा सरकारने केला आहे.