आता, 'सीता माता गुफे'वरही नेपाळचा दावा?

बेतिया, पश्चिम चंपारण (बिहार) : भारत आणि नेपाळमध्ये आणखीन एका नव्या वादाला तोंड फुटलंय. नेपाळनं भारतीय सीमेच्या आत असलेल्या 'सीता माता गुफा' म्हणून ओळखल्या जाणाऱ्या भागावर दावा केलाय. बिहारच्या पश्चिम चंपारण जिल्ह्यातील बेतियामध्ये ही गुफा आहे.

काही दिवसांपूर्वी नेपाळचे पंतप्रधान ओल यांच्या वादग्रस्त वक्तव्यामुळे वादाला तोंड फुटलं होतं. आता काही नेपाळी नागरिकांनी इंडो - नेपाळ सीमेवर असणाऱ्या सीता मात गुफा भागात लावण्यात आलेले दगडी पिलर उखडून फेकलेत.



या घटनेची माहिती काही स्थानिकांकडून प्रशासनाला मिळाली. पिलर क्रमांक ४३६ उखडून फेकल्याचं समजताच एसएसबी अधिकारी काही जवानांसोबत घटनास्थळी दाखल झाले. भिखनाठोडीमध्ये नेपाळच्या उकसावणाऱ्या कृत्यांनंतर एसएसबीची या भागात करडी नजर आहे.

वाचा : #BoycottChina चिनी कंपनीची भारतीय रेल्वेविरुद्ध कोर्टात धाव!
वाचा : राम जन्मभूमी: नेपाळी व्यक्तीचे मुंडण,'जय श्रीराम'च्या घोषणाही द्यायला लावल्या



भिखनाठोरी स्थित एसएसबीच्या ४४ व्या बटालियचे प्रभारी कमांडन्ट ए के सिंह यांनी दिलेल्या माहितीनुसार, बीओपीमध्ये तैनात इन्स्पेक्टर प्रीतम कुमार जवानांसोबत घटनास्थळी दाखल झाले. सहाय्यक सेनानायक शैलेश कुमार सिंह हे संपूर्ण घटनाक्रमावर नजर ठेवून आहेत.

सीता माता गुफा

पुराणकथेनुसार, अग्निपरिक्षेनंतर माता सीतेला वनवासासाठी जावं लागलं तेव्हा त्यांनी या गुफेत काही काळ विश्रांती घेतली होती, असं सांगितलं जातं. नेपाळचे पंतप्रधान ओली यांनी मात्र ही पुराणकथा खोटी असल्याचं म्हटलंय.



ओली यांचा आक्षेप

ठोडीपासून वाल्मीकिनगरच्या वाल्मिकी आश्रमपर्यंत अगोदर अयोध्या वसलेली होती, असं ओली यांनी म्हटलंय. याअगोदर रामाला त्यांनी नेपाळचे नागरिक म्हटलं होतं. त्यांच्या म्हणण्यानुसार, राम आणि नेपाळ हे दोन्हीही नेपाळमध्ये होते.

वाचा : तारीख ठरली! राममंदिर भूमी पूजनासाठी पंतप्रधान मोदीही अयोध्येला जाणार
वाचा : करोनापासून बचावासाठी गोमूत्र प्या, भाजप नेत्याचा सल्ला