नवी दिल्ली:
माजी राष्ट्रपती प्रणव मुखर्जी यांनी राष्ट्रीय स्वयंसेवक संघाच्या ७ जून रोजी होणाऱ्या कार्यक्रमाचे निमंत्रण स्वीकारले आहे. संघाच्या व्यासपीठावर मुखर्जी काय बोलणार? या चिंतेनं काँग्रेसमध्ये अस्वस्थता पसरली आहे.
सरसंघचालक मोहन भागवत यांनी खुद्द माजी राष्ट्रपती मुखर्जी यांना या कार्यक्रमासाठी निमंत्रित केलं होतं. सरसंघचालकांचं निमंत्रण दुसऱ्यांदा नाकारणाऱ्या मुखर्जी यांनी अखेर या कार्यक्रमाला उपस्थित राहणार असल्याचं कळवलं. या निर्णयामुळे मुखर्जी यांच्यावर काँग्रेस नेत्यांकडून टीका होत आहे. काँग्रेस नेते संदीप दिक्षित यांनी त्यांना लक्ष्य केलं आहे. तर वरिष्ठांनी काही न बोलणंच पसंत केलं आहे.
काँग्रेस आणि संघाच्या विचारधारेत फरक आहे, असे काँग्रेस प्रवक्ते टॉम वडक्कन म्हणाले. मात्र, मुखर्जींबद्दल त्यांनी कोणतीही प्रतिक्रिया दिली नाही. तर मुखर्जी यांनी राष्ट्रपती झाल्यानंतर राजकारण सोडलं आहे, असं ज्येष्ठ नेते अभिषेक मनु संघवी म्हणाले.
ज्येष्ठ नेते सी. के. जाफर शरीफ यांनी मुखर्जी यांना पत्र पाठवून उघडपणे नाराजी व्यक्त केली आहे. संघाच्या कार्यक्रमात सहभागी होण्याचा निर्णय मागे घ्यावा, असं आवाहनही त्यांनी मुखर्जी यांना केलं आहे.
माजी राष्ट्रपती प्रणव मुखर्जी यांनी राष्ट्रीय स्वयंसेवक संघाच्या ७ जून रोजी होणाऱ्या कार्यक्रमाचे निमंत्रण स्वीकारले आहे. संघाच्या व्यासपीठावर मुखर्जी काय बोलणार? या चिंतेनं काँग्रेसमध्ये अस्वस्थता पसरली आहे.
सरसंघचालक मोहन भागवत यांनी खुद्द माजी राष्ट्रपती मुखर्जी यांना या कार्यक्रमासाठी निमंत्रित केलं होतं. सरसंघचालकांचं निमंत्रण दुसऱ्यांदा नाकारणाऱ्या मुखर्जी यांनी अखेर या कार्यक्रमाला उपस्थित राहणार असल्याचं कळवलं. या निर्णयामुळे मुखर्जी यांच्यावर काँग्रेस नेत्यांकडून टीका होत आहे. काँग्रेस नेते संदीप दिक्षित यांनी त्यांना लक्ष्य केलं आहे. तर वरिष्ठांनी काही न बोलणंच पसंत केलं आहे.
काँग्रेस आणि संघाच्या विचारधारेत फरक आहे, असे काँग्रेस प्रवक्ते टॉम वडक्कन म्हणाले. मात्र, मुखर्जींबद्दल त्यांनी कोणतीही प्रतिक्रिया दिली नाही. तर मुखर्जी यांनी राष्ट्रपती झाल्यानंतर राजकारण सोडलं आहे, असं ज्येष्ठ नेते अभिषेक मनु संघवी म्हणाले.
ज्येष्ठ नेते सी. के. जाफर शरीफ यांनी मुखर्जी यांना पत्र पाठवून उघडपणे नाराजी व्यक्त केली आहे. संघाच्या कार्यक्रमात सहभागी होण्याचा निर्णय मागे घ्यावा, असं आवाहनही त्यांनी मुखर्जी यांना केलं आहे.