Driverless Metro: 'मेट्रो मॅन'शिवाय धावली 'मेट्रो', DMRC जगात चौथ्या स्थानावर दाखल

नवी दिल्ली : देशातील आणखी एका मेट्रो मार्गावर चालकरहीत मेट्रो धावताना दिसली. दिल्ली मेट्रोच्या 'पिंक' मार्गावर ही 'ड्रायव्हरलेस' मेट्रोचं परिचालन आजपासून सुरू करण्यात आलंय. केंद्रीय शहर मंत्री हरदीप सिंह पुरी यांनी या ड्रायव्हरलेस मेट्रोला हिरवा झेंडा दाखवत उद्घाटन केलं.

दिल्ली मेट्रोचं जाळं

दिल्लीत 'मजेंटा' लाईनवर अगोदरपासूनच चालकरहीत मेट्रोची सुविधा उपलब्ध आहे. गेल्या वर्षी २८ डिसेंबर रोजी पंतप्रधान नरेंद्र मोदींनी या भारतातल्या पहिल्या चालकरहीत मेट्रोच्या परिचालन प्रकल्पाचं उद्घाटन केलं होतं.

'दिल्ली मेट्रो रेल कॉर्पोरेशन'च्या नेटवर्कमध्ये एकून २८६ स्टेशन्स तयार करण्यात आलेत. तसंच हे जाळं जवळपास ३९२ किलोमीटर अंतरावर फैलावलेलं आहे. नोएडा, ग्रेटर नोएडा, मेट्रो कॉरिडोर, रॅपिड मेट्रो, गुडगाव इथवर हे जाळं पसलंय.

UP Elections: कृषी कायद्यानंतर भाजपसमोर नवं संकट, जाट आरक्षणाच्या मागणीला जोर धक्कादायक! गौतम गंभीर यांना मिळालेला धमकीचा ई-मेल पाकिस्तानातून
पिंक लाईनवर चालकरहीत मेट्रो

आता, पिंक लाईनवरही चालकरहीत मेट्रोचं परिचालन सुरू झाल्यानंतर दिल्ली मेट्रो ९६ किलोमीटर नेटवर्कवर चालकाशिवाय धावताना दिसणार आहे. सोबतच, चालकरहीत मेट्रो नेटवर्कच्या बाबतीत दिल्ली मेट्रो जगात चौथ्या क्रमांकावर दाखल झाली आहे.

दिल्ली मेट्रोच्या सर्वात लांबलचक - ५८.५९ किलोमीटर - पिंक लाईन कॉरिडोवर गुरुवारी 'मेट्रो मॅन'शिवाय मेट्रो धावू लागलीय. केंद्रीय मंत्री हरदीप सिंह पुरी आणि दिल्लीचे परिवहन मंत्री कैलाश गहलोत यांनी व्हिडिओ कॉन्फरन्सिंद्वारे या मेट्रोला हिरवा झेंडा दाखवला. यामुळे, मजलिस पार्क ते शिव विहार या स्टेशन दरम्यान प्रवाशांना चालकरहीत मेट्रोद्वारे प्रवासाची संधी मिळणार आहे.

उल्लेखनीय म्हणजे दिल्ली मेट्रोच्या पिंक लाईनवर आतापर्यंत दोन भागांत मेट्रोचं परिचालन सुरू होतं. यातील एक भाग मयूर विहार पासून मजलिस पार्क तर दुसरा भाग त्रिलोकपुरी ते शिव विहार पिंक लाईननं जोडला गेलाय. मात्र, या दोन्ही कॉरिडोरदरम्यान मयूर विहार ते त्रिलोकपुरी दरम्यान मेट्रो सुविधा उपलब्ध नव्हती. त्यामुळे पिंक लाईन मेट्रोची व्यवस्था चालकांच्या हाती होती. मात्र हा कॉरिडोर तयार झाल्यानंतर पिंक लाईनच्या संपूर्ण मार्गावर मेट्रो सेवा उपलब्ध झाली. त्यानंतर या मार्गावर 'चालकरहीत मेट्रो'लाही परवानगी देण्यात आली होती.