वृत्तसंस्था, पणजी
गोव्याचे नवे मुख्यमंत्री म्हणून प्रमोद सावंत यांनी मंगळवारी शपथ घेतली. भाजपकडे पूर्ण संख्याबळ असल्याचे सांगत सावंत यांनी राज्यपालांकडे आज, बुधवारी विधानसभेत विश्वासदर्शक ठराव मांडण्याची अनुमती मागितली. सर्वाधिक आमदारसंख्या असलेला काँग्रेस तसेच सहकारी पक्ष व अपक्षांच्या बळावर सत्तास्थापन करण्याच्या प्रयत्नांत असलेल्या भाजपची आजच शक्तिपरीक्षा होण्याची चिन्हे आहेत.
मुख्यमंत्रिपदाची शपथ घेण्यापूर्वी सावंत यांनी दिवंगत मुख्यमंत्री मनोहर पर्रीकर यांच्या कुटुंबीयांची भेट घेतली. त्यानंतर राजभवनात राज्यपाल मृदुला सिन्हा यांनी त्यांना मुख्यमंत्रिपदाची शपथ दिली. सावंत यांच्यासमवेत ११ आमदारांनीही मंत्रिपदाची शपथ घेतली. 'मिरामार किनाऱ्यावर पर्रीकर यांचे स्मृतिस्मारक उभारण्यात येईल', अशी पहिली घोषणा करीत, सावंत यांनी, 'पर्रीकर यांच्या सुशासनाच्या मार्गावरूनच आपले सरकार मार्गक्रमण करील', अशी ग्वाही दिली. यानंतर सावंत यांनी राज्यपालांकडे आज, बुधवारीच विश्वासदर्शक ठराव मांडण्याची परवानगी मागितली.
पर्रीकर व भाजप आमदार फ्रान्सिस डिसुझा यांचे निधन, भाजपमध्ये दाखल होण्यासाठी काँग्रेसच्या दोन आमदारांनी दिलेले राजीनामे यामुळे सध्या गोवा विधानसभेचे संख्याबळ ३६वर आले आहे. १४ आमदार असलेला काँग्रेस सध्या सर्वात मोठा पक्ष आहे. मात्र सरकारस्थापनेसाठीचे संख्याबळ भाजपसाठी अनुकूल असल्याचे चित्र आहे. भाजपचे १२ आमदार, गोवा फॉरवर्ड पार्टी व महाराष्ट्रवादी गोमांतक पक्षाचे प्रत्येकी तीन आमदार आणि तीन अपक्ष असे २१ जणांचे संख्याबळ भाजपच्या पाठीशी असल्याचे चित्र आहे. त्यामुळे सध्या तरी सावंत सरकारला कोणताही धोका नसल्याचे दिसत आहे.
गोव्याचे नवे मुख्यमंत्री म्हणून प्रमोद सावंत यांनी मंगळवारी शपथ घेतली. भाजपकडे पूर्ण संख्याबळ असल्याचे सांगत सावंत यांनी राज्यपालांकडे आज, बुधवारी विधानसभेत विश्वासदर्शक ठराव मांडण्याची अनुमती मागितली. सर्वाधिक आमदारसंख्या असलेला काँग्रेस तसेच सहकारी पक्ष व अपक्षांच्या बळावर सत्तास्थापन करण्याच्या प्रयत्नांत असलेल्या भाजपची आजच शक्तिपरीक्षा होण्याची चिन्हे आहेत.
मुख्यमंत्रिपदाची शपथ घेण्यापूर्वी सावंत यांनी दिवंगत मुख्यमंत्री मनोहर पर्रीकर यांच्या कुटुंबीयांची भेट घेतली. त्यानंतर राजभवनात राज्यपाल मृदुला सिन्हा यांनी त्यांना मुख्यमंत्रिपदाची शपथ दिली. सावंत यांच्यासमवेत ११ आमदारांनीही मंत्रिपदाची शपथ घेतली. 'मिरामार किनाऱ्यावर पर्रीकर यांचे स्मृतिस्मारक उभारण्यात येईल', अशी पहिली घोषणा करीत, सावंत यांनी, 'पर्रीकर यांच्या सुशासनाच्या मार्गावरूनच आपले सरकार मार्गक्रमण करील', अशी ग्वाही दिली. यानंतर सावंत यांनी राज्यपालांकडे आज, बुधवारीच विश्वासदर्शक ठराव मांडण्याची परवानगी मागितली.
पर्रीकर व भाजप आमदार फ्रान्सिस डिसुझा यांचे निधन, भाजपमध्ये दाखल होण्यासाठी काँग्रेसच्या दोन आमदारांनी दिलेले राजीनामे यामुळे सध्या गोवा विधानसभेचे संख्याबळ ३६वर आले आहे. १४ आमदार असलेला काँग्रेस सध्या सर्वात मोठा पक्ष आहे. मात्र सरकारस्थापनेसाठीचे संख्याबळ भाजपसाठी अनुकूल असल्याचे चित्र आहे. भाजपचे १२ आमदार, गोवा फॉरवर्ड पार्टी व महाराष्ट्रवादी गोमांतक पक्षाचे प्रत्येकी तीन आमदार आणि तीन अपक्ष असे २१ जणांचे संख्याबळ भाजपच्या पाठीशी असल्याचे चित्र आहे. त्यामुळे सध्या तरी सावंत सरकारला कोणताही धोका नसल्याचे दिसत आहे.