वृत्तसंस्था, नवी दिल्ली
अवकाशयुद्धात लष्कराला सक्षम करण्याच्या हेतूने अत्याधुनिक प्रणाली आणि तंत्रज्ञान विकसित करण्यासाठी एक नवी संस्था स्थापन करण्यास केंद्र सरकारने मंगळवारी मंजुरी दिली. पंतप्रधान नरेंद्र मोदी यांच्या अध्यक्षतेखाली झालेल्या मंत्रिमंडळाच्या संरक्षणविषयक समितीच्या बैठकीत हा निर्णय घेण्यात आला.
'डिफेन्स स्पेस रीसर्च एजन्सी (डीएसआरओ) नावाची नवी संस्था स्थापन करण्याचा निर्णय पंतप्रधान मोदी यांच्या अध्यक्षतेखाली झालेल्या मंत्रिमंडळाच्या सुरक्षाविषयक समितीच्या बैठकीत घेण्यात आला. अवकाशयुद्धासाठी शस्त्रप्रणाली आणि तंत्रज्ञान विकसित करणे हे या संस्थेचे काम असेल,' अशी माहिती संरक्षण मंत्रालयातील सूत्रांनी 'एएनआय' या वृत्तसंस्थेला दिली.
सहसचिव दर्जाच्या एका वैज्ञानिकाच्या नेतृत्वाखाली ही समिती आकार घेत आहे. या समितीमध्ये वैज्ञानिकांच्या चमूचा समावेश असेल. समिती तिन्ह सशस्त्र दलांबरोबर समन्वयाने काम करेल. लष्करी अवकाश यंत्रणेला (डीएसए) संशोधन आणि विकास या क्षेत्रातील मदत 'डीएसआरओ' करेल. 'डीएसए' देशाला अवकाशयुद्धात सज्ज करण्यासाठी स्थापन झाली असून, सध्या बेंगळुरूत या संस्थेची उभारणी सुरू आहे.
अवकाशयुद्धात लष्कराला सक्षम करण्याच्या हेतूने अत्याधुनिक प्रणाली आणि तंत्रज्ञान विकसित करण्यासाठी एक नवी संस्था स्थापन करण्यास केंद्र सरकारने मंगळवारी मंजुरी दिली. पंतप्रधान नरेंद्र मोदी यांच्या अध्यक्षतेखाली झालेल्या मंत्रिमंडळाच्या संरक्षणविषयक समितीच्या बैठकीत हा निर्णय घेण्यात आला.
'डिफेन्स स्पेस रीसर्च एजन्सी (डीएसआरओ) नावाची नवी संस्था स्थापन करण्याचा निर्णय पंतप्रधान मोदी यांच्या अध्यक्षतेखाली झालेल्या मंत्रिमंडळाच्या सुरक्षाविषयक समितीच्या बैठकीत घेण्यात आला. अवकाशयुद्धासाठी शस्त्रप्रणाली आणि तंत्रज्ञान विकसित करणे हे या संस्थेचे काम असेल,' अशी माहिती संरक्षण मंत्रालयातील सूत्रांनी 'एएनआय' या वृत्तसंस्थेला दिली.
सहसचिव दर्जाच्या एका वैज्ञानिकाच्या नेतृत्वाखाली ही समिती आकार घेत आहे. या समितीमध्ये वैज्ञानिकांच्या चमूचा समावेश असेल. समिती तिन्ह सशस्त्र दलांबरोबर समन्वयाने काम करेल. लष्करी अवकाश यंत्रणेला (डीएसए) संशोधन आणि विकास या क्षेत्रातील मदत 'डीएसआरओ' करेल. 'डीएसए' देशाला अवकाशयुद्धात सज्ज करण्यासाठी स्थापन झाली असून, सध्या बेंगळुरूत या संस्थेची उभारणी सुरू आहे.