म. टा. विशेष प्रतिनिधी, नवी दिल्ली
देशाच्या विविध भागांमध्ये गुढीपाडवा, चैत्र शुक्लादी, उगादी, चेटीचंड, नवरेह, साजिबू चीरौबा अशा विविध नावांनी साजरा केल्या जाणाऱ्या नूतन संवत्सराचा उत्साह मंगळवारी संसद भवनातही ओसंडून वाहिला.
नूतन संवत्सराचे निमित्त साधून लोकसभा अध्यक्ष सुमित्रा महाजन यांनी संसदेच्या दोन्ही सभागृहांच्या सदस्यांसाठी दुपारी स्नेहभोजनाचे आयोजन केले. या भोजनाला पंतप्रधान नरेंद्र मोदी यांच्यासह सर्व बड्या नेत्यांनी हजेरी लावली.
सकाळी लोकसभेचे कामकाज सुरू होण्यापूर्वी सुमित्रा महाजन यांनी विक्रम संवत २०७४ आणि नूतन संवत्सराच्या सर्व सदस्यांना शुभेच्छा दिल्या. नवे वर्ष देशवासीयांना नवी आशा, ऊर्जा, उत्साह आणि देशाला सामर्थ्यशील बनण्याची शक्ती देईल, अशी आशा त्यांनी व्यक्त केली. नूतन संवत्सराच्या निमित्ताने सुमित्राताईंच्या पुढाकाराने संसद भवनाच्या सेंट्रल हॉललगतच्या प्रांगणात दुपारी १ ते २ दरम्यान लोकसभा आणि राज्यसभा सदस्यांसाठी स्नेहभोजनाचे आयोजन करण्यात आले होते. या भोजनात महाराष्ट्रातील सदस्यांसाठी श्रीखंड आणि इतर सदस्यांसाठी मिठाई असल्याचे सुमित्राताईंनी निमंत्रण देताना सांगितले. तुम्ही प्रत्येक नव्या वर्षानिमित्त दुसऱ्या राज्यांसाठी सुटी देता, पण गुडी पाडवा आणि उगादीनिमित्त संसदेच्या कामकाजाला सुट्टी दिली नाही. केवळ आशीर्वाद दिले. हे नवे वर्ष महाराष्ट्र, कर्नाटक, मध्य प्रदेश, तेलंगण आणि आंध्र प्रदेशात साजरे होते, असे काँग्रेसचे नेते मल्लिकार्जुन खरगे म्हणाले. त्यावर सुट्टी दिली असती तर सर्व सदस्यांना स्नेहभोजनासाठी एकत्र येऊन नूतन वर्ष साजरे करता आले नसते. एखादे वर्ष एकत्र पण साजरे करायला हवे, असे सुमित्राताई म्हणाल्या.
बड्या नेत्यांची उपस्थिती
स्नेहभोजनाच्या कार्यक्रमासाठी दोन्ही सभागृहांचे कामकाज दुपारी एक वाजेपर्यंत आटोपण्यात आले. पंतप्रधान नरेंद्र मोदी, लालकृष्ण अडवाणी, राजनाथ सिंह, मल्लिकार्जुन खरगे, पी. जे. कुरियन, वेंकय्या नायडू, अनंतकुमार यांच्यासह अनेक मंत्री आणि ज्येष्ठ व नव्या सदस्यांनी या स्नेहभोजनाचा आस्वाद घेतला.
देशाच्या विविध भागांमध्ये गुढीपाडवा, चैत्र शुक्लादी, उगादी, चेटीचंड, नवरेह, साजिबू चीरौबा अशा विविध नावांनी साजरा केल्या जाणाऱ्या नूतन संवत्सराचा उत्साह मंगळवारी संसद भवनातही ओसंडून वाहिला.
नूतन संवत्सराचे निमित्त साधून लोकसभा अध्यक्ष सुमित्रा महाजन यांनी संसदेच्या दोन्ही सभागृहांच्या सदस्यांसाठी दुपारी स्नेहभोजनाचे आयोजन केले. या भोजनाला पंतप्रधान नरेंद्र मोदी यांच्यासह सर्व बड्या नेत्यांनी हजेरी लावली.
सकाळी लोकसभेचे कामकाज सुरू होण्यापूर्वी सुमित्रा महाजन यांनी विक्रम संवत २०७४ आणि नूतन संवत्सराच्या सर्व सदस्यांना शुभेच्छा दिल्या. नवे वर्ष देशवासीयांना नवी आशा, ऊर्जा, उत्साह आणि देशाला सामर्थ्यशील बनण्याची शक्ती देईल, अशी आशा त्यांनी व्यक्त केली. नूतन संवत्सराच्या निमित्ताने सुमित्राताईंच्या पुढाकाराने संसद भवनाच्या सेंट्रल हॉललगतच्या प्रांगणात दुपारी १ ते २ दरम्यान लोकसभा आणि राज्यसभा सदस्यांसाठी स्नेहभोजनाचे आयोजन करण्यात आले होते. या भोजनात महाराष्ट्रातील सदस्यांसाठी श्रीखंड आणि इतर सदस्यांसाठी मिठाई असल्याचे सुमित्राताईंनी निमंत्रण देताना सांगितले. तुम्ही प्रत्येक नव्या वर्षानिमित्त दुसऱ्या राज्यांसाठी सुटी देता, पण गुडी पाडवा आणि उगादीनिमित्त संसदेच्या कामकाजाला सुट्टी दिली नाही. केवळ आशीर्वाद दिले. हे नवे वर्ष महाराष्ट्र, कर्नाटक, मध्य प्रदेश, तेलंगण आणि आंध्र प्रदेशात साजरे होते, असे काँग्रेसचे नेते मल्लिकार्जुन खरगे म्हणाले. त्यावर सुट्टी दिली असती तर सर्व सदस्यांना स्नेहभोजनासाठी एकत्र येऊन नूतन वर्ष साजरे करता आले नसते. एखादे वर्ष एकत्र पण साजरे करायला हवे, असे सुमित्राताई म्हणाल्या.
बड्या नेत्यांची उपस्थिती
स्नेहभोजनाच्या कार्यक्रमासाठी दोन्ही सभागृहांचे कामकाज दुपारी एक वाजेपर्यंत आटोपण्यात आले. पंतप्रधान नरेंद्र मोदी, लालकृष्ण अडवाणी, राजनाथ सिंह, मल्लिकार्जुन खरगे, पी. जे. कुरियन, वेंकय्या नायडू, अनंतकुमार यांच्यासह अनेक मंत्री आणि ज्येष्ठ व नव्या सदस्यांनी या स्नेहभोजनाचा आस्वाद घेतला.