मधुचंद्राच्या रात्री जोडप्याचा संशयास्पद अंत; कुटुंब पीएम करुन देईना; मृत्यूचं कारण अखेर उघड

लखनऊ: उत्तर प्रदेशच्या बहराईचमध्ये नवविवाहित जोडप्याचा मधुचंद्राच्या रात्री मृत्यू झाल्याची घटना घडली होती. सकाळी त्यांच्या कुटुंबियांनी दार ठोठावलं. मात्र आतून दोघांपैकी कोणीच प्रतिसाद दिला नाही. अखेर नवरदेवाच्या लहान भावानं खिडकीतून आत प्रवेश केला. तेव्हा त्याला मोठा भाऊ आणि वहिनीचा मृतदेह बिछान्यावर दिसला. यानंतर घरात आक्रोश सुरू झाला. संपूर्ण गावावर शोककळा पसरली.

नवविवाहित जोडप्याचा मधुचंद्राच्या दिवशी संशयास्पद मृत्यू झाल्यानं कुटुंबियांना धक्का बसला. मात्र तरीही त्यांना मृतदेहांचं शवविच्छेदन करायचं नव्हतं. अखेर पोलिसांनी कुटुंबियांची समजूत काढली. त्यानंतर ते शवविच्छेदनासाठी तयार झाले. शवविच्छेदनाची प्रक्रिया पूर्ण झाल्यानंतर दोघांच्या मृत्यूचं नेमकं कारण समोर येईल.
पार्टीला जाण्याची तयारी, आंघोळ करताना तरुणाची किंकाळी; नळातून आला मृत्यू, कुटुंबावर शोककळा
नवविवाहित जोडप्याचा मृतदेह बिछान्यात सापडले होते. त्याच्या जवळच उलटी आढळून आली. मृत्यूमुखी पडलेल्या दोघांपैकी कोणीतरी उलटी केलेली होती. त्यामुळे प्राथमिक तपासाअंती हे प्रकरण अन्नातून झालेल्या विषबाधेचं असल्याचं समजतं. शवविच्छेदन सुरू असून त्याच्या आधारे पुढील कारवाई केली जाईल, अशी माहिती पोलीस अधीक्षक कुंवर ज्ञानंजय सिंह यांनी दिली.
पाहुण्याचा मुक्काम वाढला, तरुण वैतागला; जीव द्यायला झाडावर, पोलिसांनी उतरवल्यावर म्हणतो...
कैसरगंज पोलीस ठाण्याच्या हद्दीत राहणाऱ्या गोडहिया नंबर चारमध्ये राहणाऱ्या प्रतापचा (२३) विवाह गुल्लनपुरवा गावातील पुष्पासोबत ३० मे रोजी झाला. त्यांची वरात ३१ मे रोजी गावात पोहोचली. रात्री उशिरा प्रताप आणि पुष्पा त्यांच्या खोलीत गेले. दुसऱ्या दिवशी म्हणजेच गुरुवारी सकाळी ते खोलीतून बाहेर आले नाहीत. वारंवार आवाज देऊनही त्यांच्याकडून प्रतिसाद मिळाला नाही. त्यानंतर प्रतापचा लहान भाऊ खिडकीतून आत शिरला. तेव्हा त्याला दोघांचे मृतदेह बिछान्यात आढळले. यानंतर घरामध्ये एकच आक्रोश सुरू झाला.