अमृतसर: हल्लेखोरांची माहिती देणाऱ्यास ५० लाख

अमृतसरः

अमृतसरमधील निरंकारी भवनावर हल्ला करणाऱ्यांची माहिती देणाऱ्यास ५० लाखांचे बक्षीस जाहीर करण्यात आलं आहे. रविवारी झालेल्या या ग्रेनेड हल्ल्यात ३ जणांचा मृत्यू झाला, तर अनेक जण जखमी झाले.

या हल्ल्याचा तपास राष्ट्रीय तपास संस्थेकडे सोपवण्यात आला असून, तीन सदस्यांचे पथक पाहणीसाठी घटनास्थळी आलं आहे. या हल्ल्याच्या पार्श्वभूमीवर राष्ट्रीय सुरक्षा सल्लागार अजित डोवाल आज एक बैठक घेणार आहेत. या हल्ल्यानंतर पंजाबमध्ये अतिदक्षतेचा इशारा देण्यात आला आहे. या हल्ल्यात वापरण्यात आलेल्या दुचाकीचा शोध घेण्यात आला आहे. एका सीसीटीव्ही फुटेजमध्ये हल्लेखोर दिसत असून, पोलिसांनी संशयितांचे रेखाचित्र प्रसिद्ध केलं आहे.