नवी दिल्ली:
आयएनएक्स मीडिया प्रकरणी अटकेत असलेले माजी अर्थमंत्री पी. चिदंबरम यांच्या वाढदिवसानिमित्त त्यांचे पुत्र आणि काँग्रेसचे खासदार कार्ती चिदंबरम यांनी त्यांना भावनिक पत्र लिहून शुभेच्छा दिल्या आहेत. या पत्रात त्यांनी पंतप्रधान नरेंद्र मोदी आणि केंद्र सरकारवर निशाणा साधला आहे तर वडीलांच्या धीरोदात्तपणाचं कौतुक केलं आहे.
कार्ती पत्रात लिहीतात, 'आज तुम्ही ७४ वर्षांचे झालात; कोणी '५६ इंची' तुम्हाला रोखू शकत नाही.' स्वत: चिदंबरम यांनी सांगितलंय की त्यांना स्वत:ला तरुण असल्यासारखं वाटत आहे. काँग्रेस पक्षासह अनेक हितचिंतकांनी चिदंबरम यांना शुभेच्छा दिल्या आहेत.
आयएनएक्स मीडिया प्रकरणात चिदंबरम यांना १९ सप्टेंबरपर्यंत न्यायालयीन कोठडी सुनावण्यात आली आहे. कार्ती यांनी चिदंबरम यांना वाढदिवसाच्या शुभेच्छा दिल्या आणि सांगितलं की, 'तुम्हाला सत्ताधारी पक्षाला विरोध केल्याची किंमत मोजावी लागत आहे. आज तुम्ही ७४ वर्षांचे झालात, पण कोणी ५६ इंची तुम्हाला रोखू शकत नाही. तुम्ही कधीही तुमचा वाढदिवस थाटामाटात साजरा केला नाही, पण सध्या आपल्या देशात प्रत्येक छोट्या गोष्टीचं जंगी सेलिब्रेशन होत आहे. तुमच्याशिवाय हा वाढदिवस आधीसारखा नसेल. आम्हाला तुमची उणीव भासत आहे.'
पंतप्रधान नरेंद्र मोदी यांच्यावरही कार्ती यांनी टीका केली. ते म्हणाले, 'मोदी सरकार आपल्या दुसऱ्या कार्यकालाचे १०० दिवस साजरे करत आहे आणि अशात तुमचा आवाज दाबण्याची हीच योग्य वेळ होती. तुम्ही त्यांच्याविरोधात आवाज उठवत होतात. सत्तारुढ पक्षाला विरोध करण्यासाठी खूप हिंमत असावी लागते.'
चिदंबरम यांच्या कुटुंबीयांनी त्यांच्या वतीने त्यांच्या अधिकृत ट्विटर हँडलवर पोस्ट केली आहे. त्यात सर्व हितचिंतकांचे शुभेच्छांबद्दल आभार मानले आहेत.
आयएनएक्स मीडिया प्रकरणी अटकेत असलेले माजी अर्थमंत्री पी. चिदंबरम यांच्या वाढदिवसानिमित्त त्यांचे पुत्र आणि काँग्रेसचे खासदार कार्ती चिदंबरम यांनी त्यांना भावनिक पत्र लिहून शुभेच्छा दिल्या आहेत. या पत्रात त्यांनी पंतप्रधान नरेंद्र मोदी आणि केंद्र सरकारवर निशाणा साधला आहे तर वडीलांच्या धीरोदात्तपणाचं कौतुक केलं आहे.
कार्ती पत्रात लिहीतात, 'आज तुम्ही ७४ वर्षांचे झालात; कोणी '५६ इंची' तुम्हाला रोखू शकत नाही.' स्वत: चिदंबरम यांनी सांगितलंय की त्यांना स्वत:ला तरुण असल्यासारखं वाटत आहे. काँग्रेस पक्षासह अनेक हितचिंतकांनी चिदंबरम यांना शुभेच्छा दिल्या आहेत.
आयएनएक्स मीडिया प्रकरणात चिदंबरम यांना १९ सप्टेंबरपर्यंत न्यायालयीन कोठडी सुनावण्यात आली आहे. कार्ती यांनी चिदंबरम यांना वाढदिवसाच्या शुभेच्छा दिल्या आणि सांगितलं की, 'तुम्हाला सत्ताधारी पक्षाला विरोध केल्याची किंमत मोजावी लागत आहे. आज तुम्ही ७४ वर्षांचे झालात, पण कोणी ५६ इंची तुम्हाला रोखू शकत नाही. तुम्ही कधीही तुमचा वाढदिवस थाटामाटात साजरा केला नाही, पण सध्या आपल्या देशात प्रत्येक छोट्या गोष्टीचं जंगी सेलिब्रेशन होत आहे. तुमच्याशिवाय हा वाढदिवस आधीसारखा नसेल. आम्हाला तुमची उणीव भासत आहे.'
पंतप्रधान नरेंद्र मोदी यांच्यावरही कार्ती यांनी टीका केली. ते म्हणाले, 'मोदी सरकार आपल्या दुसऱ्या कार्यकालाचे १०० दिवस साजरे करत आहे आणि अशात तुमचा आवाज दाबण्याची हीच योग्य वेळ होती. तुम्ही त्यांच्याविरोधात आवाज उठवत होतात. सत्तारुढ पक्षाला विरोध करण्यासाठी खूप हिंमत असावी लागते.'
चिदंबरम यांच्या कुटुंबीयांनी त्यांच्या वतीने त्यांच्या अधिकृत ट्विटर हँडलवर पोस्ट केली आहे. त्यात सर्व हितचिंतकांचे शुभेच्छांबद्दल आभार मानले आहेत.