सहलीला निघालेली 'ती' बस सुरक्षित

मटा ऑनलाइन वृत्त । श्रीनगर

जम्मू-काश्मीरमधील पीर की गली या ठिकाणी सहलीसाठी गेलेली बस सुरक्षित असल्याचे वृत्त आहे. पूँछ जिल्ह्याचे अतिरिक्त पोलीस अधीक्षक मसरूर मिर यांनी असे स्पष्टीकरण दिले आहे की ४० विद्यार्थ्यांना सहलीला घेऊन गेलेली गरीब नवाझ शाळेची बस सुरक्षित आहे. बसला कोणताही अपघात झालेला नाही.

जम्मू-काश्मीरच्या पूँछ जिल्ह्यातल्या मांजाकोट भागात एक स्कूलबस दरीत कोसळली असल्याचे वृत्त आधी कळले होते. या अपघातात अनेक मुले दगावली असण्याची शक्यताही वर्तवण्यात आली होती. पण असा कोणताही अपघात घडलेला नाही. सर्व विद्यार्थी सुरक्षित असून बस शाळेकडे परतली असल्याची माहिती मिर यांनी दिली.